بما إني أحب الطبخات المووووبتكرة فحبيت اجرب خمير مامات سلبت الروح اللي بالكستر
الصراحة عيبني طعمه وايد جنه خمير بالفانيلا 
المهم بخليكم مع الصور
أحب أقول إن المثيبة هي : الحبة الحلوة وطبعاً أنا نسيت أطحنها ,دبيتها في المقادير دب , قلت مب مشكلة بينطحن في البطن 
هذه المقادير:
وهذه العيينة بعد ما عينتها والمثيبة مبينة فيها بصراحة معطيها منظر حلو الصراحة 
وهذه التاوة العجيبة اسمها بانكيك ميكر تستخدم من الصوبين ومتعددة الإستعمالات وايد احب أستخدمها لأنها صغيرونة ما خذتنها بعشرين درهم 
استخدمتها لانه ما عندي التاوة اللي يسون فيها خمير 
وهذا شكله النهائي 
قطعته مثلثات طلع جنه كيك مب خمير , لكن طعمه لذيذ
خذته معاي الدوام عيبهم وايد وجان أستانس
وفي النهاية لا يسعني إلا ان أقول شووووووووووكرن مامات سلبت الروح عالخمير الحلو ويزاج الله خير
تم بعون الله
وابوية
كل هذا وما شفت شي فارض الواقع عيل هالصور اللي حاطتها حضرتي شو ها ؟؟ متعبة عمري من الصبح شك وشك أصور وأخر شي تقول لي واقع <<<أسولف
العزيمة على سلبت الروح هذا اختراع أمها ولازم تذوقونه من المصدر الرئيسي لأن الباقي يوووووووعتبر تقليد خخخ
حياك الله نورت الموضوع خيو
تحياتي
أنا ملاحظ أن مواضيع الأكل والطبخ والوصفات كثرت في المنتدى
بس كله هرج وكلام وما شفنا شي على أرض الواقع
بس……….. عسل الشامسي
صحتين يا عيون اليأس .. شكله لذيذ
شو سالفة الخمير اللي طايحين فيه
يالله بنات ذوقووونا ,, الصراحة أنا من عقب رمضان ما سرت صوب المطبخ ,, زين مني اسير دوامي بعد اسير المطبخ !! الصراحة ما فيني
شكله براتا مال بيوووووووت .. مب خمير ….. خخخخخ ولا مسوتنه قطع ..
هيه على زماااااان أول .. لعبتوا بخمير العيايز .. يالدببه
الحين صارلكم فتره تتكلمون عن الخمير بس ماششفنا شي بارض الواقع
انا انسان عملي وواقعي بخصوص الاكل افضل اكل واتذوق بنفسي ولا اقرا مجرد كلام
العزيمه على منو..؟؟؟