بسم الله الرحمن الرحيم
هناك سلوكيات خاطئة كثيرة في مجتمعنا فحبيت أن
أوضح لكم الخطأ… وأحاول أن أصلحه لكم بسلوك تربوي حضاري … 
خواتي البنات ابصراحه انصحكم تقرووونها لانها مفيده >>>
يالله بسم الله نبدأ .. 
خطأ :عندما تدعمج وحدة وأنتي تمشين .. وبعدين تطيح اغراضج… ثم تاخذينهم وتمشين .. وكل وحدة تتاسف للثانية …
الصحيح : تمسكينها من هدومها … وتصكينها كف.. وترفسينها ببطنها .. وحبذا لو تكمشينها من شعرها…ثم ..تقولين لها شيلي اغراضي .. ومرة ثانية فتحي عيونج يا بقرة ..
:::::
خطأ : تفتح الإشارة .. ثم الي وراج تشكل عليج هرن … ثم تطالعينها في المنظرة … وتلقينها معصبة وتهاوش .. ثم تلوحين بيدج تتأسفين …
الصحيح : تنزلين لها بالنعال .. أوبالجنطة … وتطقين الدريشة عليها … وأول ماتفتحها … جرّيها من شعرها … وكوفنيها لمين تقول العيد باجر …ثم ..قوليها مرة ثانية تصير الاشارة خضراء .. تصير حمراء .. تصير زرقاء … تسكتين وتاكلين تبن
:::::
خطأ : تدخلين الجامعة متأخرة … يقولج الدكتور اطلعي برا يامهملة .. ياللي فيج ومافيج … ويصك الباب بوجهج .. ثم تروحين وانت متضايقة من الفشلة…
الصحيح :.. انج تمسكينه من كرفتته وبعدين تلفينها وتلفينها وتلفينها … وبعدين تريحين شوي …وبعدين تلفينها وتلفينها وتلفينها وتدزينة
عالصبوره وبعدين تقومين وتمسكينه من الجاكيته وتمسحين فيه الصبوره وتطلعين ..
ثم ..قبل لا تطلعين تقوليله لا صارت جامعه ابوك اطردنا 
::::::
خطأ : أنج قاعدة بمطعم مع رفيجاتج تتعشون… وعندكم علب بيبسي … وتقوم صديقتج وترج علبه البيبسي… ثم تجي تبي تفتحها .. ثم تطيش بوجهج … ويضحكون عليج.. يعني تصيرين مضحاكة …جان تقولين لها هههههه الله يغربلج والله لارد لك المقلب ..
الصحيح : تمسكينها … من شعرها … تمسحين فيها الارض… وتجيب قوطي بيبسي .. وترجينه رجا مبرحا … ثم تفتحينه بوجهها …
ثم ..تقولين لها لاصرت اصغر اعيالج… والا تمونين علي .. تغشمري معاي هالغشمرة … وهالمرة بسكت لج عشان خاطر الموجودين .. والا تدريين !! …عفسي العلبه… وحطّها بحلجها … وقليلها شربي البيبسي الحين…
::::::
خطأ : تمشين بالسوق…. مثلا رايحة تتشرين … ثم يجي ياهل من فوق … ويتفل وتطيح التفلة على راسج .. ثم ترفعين راسج
وتتعوذين من إبليس … وتكملين دربج .. تقولين ياهل ماعليه شرهه …
الصحيح : تصعدين له… وتحذفينه من فوق… وتزلين تدوسين ابطنة…ان بجا فهو خير ونعمة …
وإن ما بجا … اخذي النعال .. وامسكه
وطقيه …إن بجا خير ونعمة …وإن ما بجا .. اتركيه ريحي شوي.. وتبضعي بجم محل… و ارجعي له .. وتفرّغي له طق…وكرري هالبرنامج وأكيد ماراح يتحمل لي آخر اليوم … وعلى مسؤوليتي بشيلونه بالاسعاف ..
::::
خطأ : راكبة سيارتج مستعجلة … وكل اشارة توقفين عندها … حتى الاشارات اللي مافيها أحد ..
الصحيح : حتى لو انتي مو مستعجلة …خطري الاشارة … الاشارة حطوها حق للي مايعرفون يسوقون واللي يشفطون حالها حال المطبات يعني
:::::
خطأ: ساكنة بالدور الأرضي …ومأجرين الدور الثاني على ناس… وصارت الساعة وحدة … وأنتي بتنامين … واللي فوق اغاني دقدقة …ماتقدرين تنامين … تروحين لهم .. وتدقين عليهم الباب …. وتقولين لهم .. ترى سويتوا ازعاج وانا بنام … و ترجعين .. وتلقينهم نفس الحالة .. وبعدين تقولين .. الله يقطعهم ماخلوني أنام .. وتواصلين للصبح وماتروحين الدوام .…
الصحيح :اول شي تروحين تدورين دريل بالبيت ..وبعدين تروحين وتصعدين له ..ولا تدقين الباب ولا الجرس ..
كسري الباب بالدريل لين يفتح.. لفتح حطي الدريل براسه وسوي فتحات وطلعي مخة…اكيد بيدوخ وبينام..
وروحي نامي..
خطأ :متابعة فيلم .. ومتحمسة .. و يجي اخوج ويغيّر المحطة .. بدون مايشاورج … ثم تقولين له ليش اخوي ماتشوفني متابع؟؟
الصحيح : صكيه بالصينية … ولحقيه ببياله والا فلعيه بطفاية الزقاير … وخذي منه الريموت .. بدون ماتكلمينه … وحطي فيلمج … وتابعه بصدر رحب ..
:::::
::::::
خطأ:تكتبين بعد نهاية اي موضوع ان شاء الله ما طولت عليكم وتتأسفين جنج مسوية جريمه
الصحيح:تكتبين عنكم ما قريتوه….لا بارك الله فيكم ولا بالسعة الي كتبت لكم فيها موضوع
منقول للفرفشة
وصبحكم الله بالخير والسعادة ^_^
انتي شكلك زعيمة عصابة وعندك ميول اجرامية
صباح الورد…
تستاهلين تكريم على النصايح الذهبية..
ارشحج لباند محترم لمدة اسبوع
وتتعوذين من إبليس … وتكملين دربج .. تقولين ياهل ماعليه شرهه …
=========
ذكرتيني بسالفتي في ” دبي مول ”
كنت أمشي بسلام
ياني واحد من هالعفاريت
وشبك ريله في ريولي عشان طيحني 
،، تداركت الموضوع واتيودت باللي كان جدامي !!
بصراحه ،، شكلي كااااااااان
للأسف فلت مني ،، وله كنت خليته في خبر كاان
صبحج الله بالنور والسرور حبوبتي
مشكورة على النقل ..
وبديت احس .. انه اللي كاتب الموضوع ((العصلي)) خريج سجووون ..
متعني ومتصرف
هههههههههههههههههههههههههههه قسم بالله نعقت من الضحك على ردك .. اسميك مخمخت على الموضوع عدل
سوالـــــــــف