متولة على السمبوسة وتكون مالة الهنود

وين القا مطعم هندي يسويها ؟

17 thoughts on “سمبوسة في بوظبي”

  2. 1 – مخبز دانه الخليج شارع المطار مقابل جامعه زايد بتخصل عندهم وخصوصا وقت العصر اتي واحد هندي يسويلهم وايبلهم وعاد الطعم الهندي على كيفك ههه

    <<== اسئل الزبون الدائم والمتمرس

    2- مخبز القدس تقريبا تقاطع الاتحاد مع شارع المرور

    بتحصل بعد عندهم نفس الرفيق الي يعطيهم يعطي هذيلا

    وشوف الطعم عاد على كيفك مب اي كلام وصدق شي تحسه له طعم مب اي سمبوسه

    وهني وعافيه مقدماً

    اخوط حواط المطاعم ابومكتوم

    واذا بغيت مخبز على كيفك في الكيك والصمون والخبز والحركات كلها روح مخبز زهرة لبنان اسميهم حتى القهوه على كيفك بس زيدها هيل وزعفران وشوي ماي ورد وشوف شغلك العصر ويا اللقهوه لاتزود فليل عن اتقول ابومكتوم ورطنا

    سلام

  3. اخوبي الخوي

    مشكور على الرد

    بس الطازجة احلا عن المثلجة .

    اخوي القناص

    مب اي مطعم هندي يسوي سمبوسة تقريبا في الاماكن المزدحمة تحصلهم ,,,,, يوم اكون في دبي

    احب اسير سوق مرشد وقت العصر واكل سمبوسة على كيف كيفك .

  4. مكثر المطاعم الهندية في البلاد ..

    وقفلك عند أي مطعم وضربلك سمبوسه العيد ههه

    بالهناء والشفاء

  5. متولة على السمبوسة وتكون مالة الهنود

    وين القا مطعم هندي يسويها ؟

    خذ لك سمبويه مثلجه من الجمعيه و اطبخها فالبيت

Comments are closed.