سمعتوا عن المواطن اللي عاش في بطن امة 30 سنة ؟؟؟ الجزء الأول

طار الزوج المستشفى مستانس و فرحان الحين زوجته بتولد .. الابن البكر و بعد محاولات عديده لم يخرج الولد من بطن امة بعد محاولات من اطباء آسيويين و عرب و اجانب لم يخرج الجنين و عقب ساعه طلع الجنين راسة و رجع في بطن امة مره ثانية … و بعدين تركوا الام تنام و ترتاح علشان باجر يحاولون يطلعون الجنين مره ثانية واثناء نوم الام تكلم الجنين

و قال حق امة : معقولة يا اماية ماشي دكتور او دكتورة مواطنه تطلعني عيل وين خريجين وخريجات كليات الطب .. اللي يحوطون بالبالطو الابيض ويلسون في ستار بكس بعد و يتخققون على الناس فيه .. ليش محد منهم طلعني ؟

وعقب سالته الام : انزين ليش طلعت راسك و رجعت مره ثانية
الجنين : خفت يا اماية من طلعت راسي اشوف اسيويين و عرب حولي ماشوف مواطنين قلت يمكن طلعت مكان غلط …

الام : لا يا ولدي هذي بلادك و انشالله بيروحون انته بس اطلع .
الجنين : اماية ليش اطلع و النيدو اسعارة مرتفعه و الحفاظات اسعارها غالية و الثياب بعد اسعارها غالية ولو يبتوا لي بشكارة اسعارها غالية وبتشرد عنكم و بتضربني دوم و انا دوم بمرض وابوية ماعنده فلوس كل يوم يوديني المستشفى ولو سرنا مستشفى حكومي بننقع في طابور طويل عريض وريحة كيما و فتوش وثوم . ولو سرنا مستشفى خاص بننقع مع الاسعار الغالية بالآلاف هذا غير بوابات سالك و مخالفات الرادار يعني مشوار علاجي بيكلف بالآلاف . اماية انا بطلع يوم بيستوي عمري 5 سنوات سيدة بدش الروضة شو رايج ..

الام : على راحتك يا ولدي .

بعد خمس سنوات

الام : يله يا ولد خلصن الخمس سنوات اطلع بنسجلك في الروضة .

الجنين : اماية اشحالج سمعت انه الي يسجلني في الروضة وااافد ولابس بدلة و يصارخ عليكم و يطلب مليون ورقة وورقة علشان ما يسجلني تقول اسحت منه و يدور اعذار و اعذار علشان ما يقبلني و سمعت انه الروضة مافيها مواطنين قوم سعود وحمود و فطوم شيخوة .. كله قوم راجو و مهتار و طوني و عفت و متولي . الله يخلي بطلع يوم بيستوي عمري 7 علشان سيدة صف اول ابتدائي على طول .

الام : صدق انك دلوع بسك عادي هالمره صف اول تطلع .

بعد سنتين

الجنين : اماية اشحالج يقولون الحين وايد حصلوا جناسي يعني عادي سيكي و باتاني يدرس معاي لانه عنده جواز .. و عندهم سيارات حلوة و كشخه و عندهم تجارة ونا ما عندي سيارة زينة استحي أي في الباص ما ابا اسير .. حتى ونا في صف اول المعلمة ما ترمس مثلنا كلة تقول هيك و هيك و يضرب نافوخك و الثانية نقطة حمرا في راسها و تهز راسها 24 ساعه ..اماية حتى في المول ابااشارك في المسابقات ما اقدر كلة يدزوني لانهم ياكلون كيما و فول وحمص وانتي تعطيني كورن فليكس حتى في الحديقة ماماه ماشي مكان حقنا نبا نيلس و نرتاح وهم حوالينا مب مخلين مكان لانهم ما يصلون الجمعه يروحون الحديقة من الساعه 6 الفجر و نحنا عقب الصلاة ما نلقا مكان ولو لقينا يخيسون الجو بتدخين الشيشه و ريحة الدهن و البان اماية هم ليش يدشون الحديقة ببلاش ونحنا ندفع اكيد اللي على الدريشة يعرفهم و يدخلهم ببلاش صح ماماه . ابا اشارك و اقدم في التي في بس ما يخلوني و يحطون ناس يلبسونهم كنادير او عباه يقلدون رمستنا ليش ماماه نحن موول ما نعرف نسوي شي .

والحين عمر الياهل 7 سنوات … و بنشوف يوم كبر و صار في الاعدادي