سمو الشيخ راشد بن حمدان بن محمد آل نهيان
يقدم سيارتين هديه لصاحب الهدف اللماسي
اسماعيل مطر
و
هلال سعيد
صاحب الجهد الوفير
بصراحه لفته جميله وحلوه منك يابوحمدان
الله يطول عمرك ويدفع عنك البلى و بيض الله ويهك
ماقصرت قصر عنك الشر وبارك الله لك في حمدان واخوانه
أسعد الله قلبك مثل ما أسعتهم بهذي الهديه القيمه
ana133
ماشاء الله عليك شقيٌ
العين السحريه لووووووووووووول :ajeeb1:
انزين انا مابا يطرشولي شي :075:
كنت في يوم من الأيام هداف ونجم محترف في الفريج لووووووول اسميني كنت اشوت من الخاطر واطلع الحصاه المدفونه مع الكره هههههههه
كانت ايام حلوه وكنت اشوت بدون تركيز بس المهم عندي اشوت قبل ماشوتلي ادمي وكانت نظراتي ثاقبه ومعروف بين اللعيبه وماعندي واحد ثنين يأشوت يأدعملي واحد واكسره….
حتى كانوا يعطوني الأولويه في الألتحامات لوووووول
المهم عقب جحوتوني وخلوني متفرج واون انت خلاص نحن بنقاعدك ومستغنين عن خدماتك :tttyy:
وماسولي سالفه الخونه
وانا يحليلي كل يوم يالس اتفرج وحاط يدي علي خدي عشان اكسر خاطرهم ويدخلوني اللعب بس مافيهم احاسيس…….متروسين نذاله
وتمر الأيام وفجأة !!!
يختفي الملعب لوووووووول
ياه المسح……..طافت عليه القريده ومسحت البقعه مساح
ولا تم ملعب ولا تم قول هههههههه
وبينما انا اتمردغ فوق لوزتنا وإذ بجرس الباب يدق (شت علي الفصحا)
وبينما انا اطمخطر (حافي طبعاً) الي باب حوينا واسال وانا ابصبص من العين السحريه مال الباب من يدقو بابنا …….
يرد علي واحد من الذين ساعد علي اتخاذ القرار الجائر بحقي وطردي من الفريق ويقول : هـــــلا (ممدوده وفيها نذاله) بوسناد شخبارك
وانا ماط بوز ومتغيض ومابغي ابطل الباب
اكلمه من ورا العين السحريه جان يقولي نحن خلاص قررنا ندخلك في الفريق بس علي شرط انك تركب واير الكرهبه مب الكهربه في مطبخكم من ورا عشان نشغل الكشافات
اتاري الجماعه محصلين مكان ورا بتنا ويبغون يركبون وايرهم عشان يشغلون كشافاتهم لووووول
وجان اشغل النذاله !!
ابغي تحطوني هجوم قالوا ياخي انت ماتعرف تشوت غير الحصا وكل يوم امك تي تضاربنا
قلت لهم ماشي كرهبه ومابا افتح الباب
قالوا انزين خلاص بنحطك هجوم بس مب ويانا تلعب ضدنا
قلت اوكي
ويوم اشغل الكشافات تبند كرهبة البيت ومحد يدري شو السبب لوووووول
ويوم يقولون راشد تقول الوالده وحليله ساير يلعب كوره مايخصه…..خلوا دامه بعيد ومشغول
ويوم يابوا الكرهبجي عرفوا السبب قبلي وانا كلي شوق ولهفه عشان اعرف شو السبب
وبينما انا راد اتلجع وفرحان مدخل قولين واحد كره والثاني حصا واذا بالعائلة المصونه تستقبلني عند الباب
ياي ابشر امي بالقولين واول ماستقبلتني بقس لوووووول اول مرة امي تضرب بقس
كان بقس غريب بس الحمدلله قدرت اسوي انسحاب سريع عشر خطوات للورا وجان اوقف بكل كبرياء واقول
شو بلاج امي مدخل قولين جان تقول تقلقلن حلوجك وبعدين طبعاً كل شي وضح وحلينا المشكله انا والوالده عقب تمرديغ جدام الكهربجي وراعي الدكان
انا ماقهرني الا راعي الدكان
يعني مايا يطالب بالحساب الا يوم انا مزغود………إهتز كبرياء
كان يوقف يوم ادخل الدكان والحين حتى السلام مايرده لووووووول
والعين السحريه هاي طال عمركم من اختراعي
مطرقه ومسمار وانتهت السالفه
ويبت الوالده عشان ارويها الأختراع الا طبقته علي باب الحوي
قلت لها شوفي امي الحين قبل ماتفتحين الباب لحد شوفي من هذه العين
قالت اويه شوه هذا ؟؟
شو استوا ببابي ؟؟؟
قلت لها ترا هذا انا امي دقيت مسمار هني عشان اسوي فتحه ونشوف الا برع
ومادري شو استوا عقب !!!
كل الا اذكره اني سمعتها تقول واااااااااايه دقالله راسك !!!
واطلقت ساقي لرياح لوووووووول
عجيييييييب يا انا في كل محفل لك موقف وسالفه
صراحه ضحكتني مالخاطر وسويت زين سديت عني في غيابي
ماشاء الله عليك أثريت الموضوع واحييته وماقصرت
بس انا عتبانه على أمك الله يخليها لك ماعندها غير الضرب
حرام طفل بريء مثلك عنده كبرياء مره ينعطى بقس ومره ينضرب على راسه
صدق حرااااام … بس بس لاتصيح
لو واحد غيرك جان ترك البيت وسواله صندقه في طرف الملعب لوووووول
افادة مجموعة الشركات القدرة القابضة
انها ستقدم مكافأة مالية وقدرها 1000,000درهم
للمنتخب في حال حصل على الكاس الغالية
يستاهلون كل خير
بذلوا مجهود جبار يشكرون عليه
الله يوفقهم ويعطيهم الصحه والعافيه
يستاهلوووون..
بس لو كل لاعب سيارة احسن عشان محد يغار من الثاني او يحقد على الثاني ولا كون في عنصري …
وجهت نضري انا وبس…!!
مب لكل لاعب سيارة لا هديه بس ؟؟
الحمدلله محد قصر واللحين كل واحد حصل أكثر من سياره
سبحان الله يمكن ببركة هالسيارتين يت باقي السياير ويالخير وياهن
يكفي أن بوحمدان بادر بالهديهه قبل الكل وشجع البقيه … بارك الله فيه
“رب دينار سبق مئة الف دينار”
شيوخنا دام رمز فخرنا
وهذا الشيء ليس بغريب عليهم
الله يحفظ بلادنا وشيوخنا وأهل الإمارات أجمعين
اللهم آميييييييييييييين
آمين آمين
صدقت والله … الله يحفظهم من كل شر