~*¤ô§ô¤*~ السلامـ عليكمـ ورحمة الله وبركاتــــه ~*¤ô§ô¤*~
:،’،:.. مـــــرحبا ..:،’،:
:
:
ايام أول… أيام أ نتشرت فيها الخرافة بشكل كبير..وهذا اللي محلنها
/
– بوبشير، وهو حشرة ضعيفة وطويله ولها يناحات طوال، كانوا يعتقدون
إذا شافوه إنه يبشر عن ضيف قادم أو عمل ناجح او المطر راح ينزل .
/
– بو النقيع هو حشرة من فصيلة الخنافس، كانوا يمسكونها بإيدهم ويتمنون
أمنية إذا نقع بتحقق الأمنية وإذا لا ما بتحقق. >> ياما سويتها ^_^
/
– الطيطار إذا انضرب وانقطع ذيله لازم ينحط على الذيل شيء لأنه يدعي على أهل البيت.
/
– هاي حق اهل البحر بس إذا بتاكل السمجة لازم تقطع راسها قبل ما تبتدي فيها.
/
– يقولون اللي ياكل لسان الذبيحة يستوي شاعر.
/
– الماي مب زين ينشرب حزة الغروب، لأنه يمرض.
/
– يوم بتي ترقد لا تحط الماي عند راسك لأنه يخف نظر العين. حطوه تحت المخده
/
– كانوا يقولون رقاد العصر يقصر العمر.
/
– النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل
وضرابه وتكفيخ .ويقولون حرام اتم الجهة السفلية من النعال
مجابلة السما لان فيها الله…(انزين والوصخ المكود ع الارض…ما يجابل السما؟)
/
– كانوا يدخنون بالشبه لأنه يطرد الحسد.
/
– كانوا يقولون إذا رفت العين اليمين خير، وإذا رفت العين اليسار شر.
/
– إذا كفك اليمين حكك يعني بتعطي حد فلوس، وأذا اليسار بتقبض فلوس
(( أظني كل حد بيتمنى يده اليسار تحكه)).
/
– إذا خشمك (الأنف) حكك يعني بتسلم على شخص ياي من بعيد.
/
– إذا الأذن صاحت يعني حد يطريك يا بالخير أو بالشر.
/
– أذا كان شخص طالع وناديته أو قلتله لا تطلع مب زين، لأنه يمكن يستويله شي.
/
– الحرمه المربيه لازم ما تطلع من البيت ولا ينقال إلها خبر مب زين إلين ما تطلع من الأربعين.
/
– الياهل ( الطفل ) لازم يحطون في منزه ( مهده ) سكين وملح وقرآن، عشان يحفظه الله بالقرآن،
والسكين والملح عن الجن. طبعا اليوم يحطون حق عيال النيدو والسيريلاك
تلفون متحرك وقنوات فضائيه وبلاي ستيشن .
/
– الياهل يوم يطلع من الأربعين لازم يسبحونه على ريول أبوه أو أي حد ثاني عشان
يطلع على اللي مسبحينه عليه
شغلات حلوه ورائعة
الا ليت الزمن يرجع …
^_^
تسلمين على الموضوع
شكرا على مرورك اخوي
مشكورة اختي الكريمة والي قلتية كلة صح كان يطبق ،،، ثرج دهرية ياسهمي عالي ماشاء الله عليج تعرفين سوالف الأولين هههه
مشكوره اختي على المرور
صح اغلبها سوالف وخراريف ولكن بعض منها صحيح ،،،
تدرين اغلب الناس ما يعرفون شو البو بشير فرحتيني احد يعرفه
وعن اهل البحر بس إذا بتاكل السمجة لازم تقطع راسها قبل ما تبتدي فيها >>>> هذه صحيحة ولين يومج هذا نحن نطبقها …
والنعال عزكم الله بعد صح نعدله ….
وعشان بعد ما يقولون هذه جلابة النعول
وتسلمين حبوبتي ذكرتيني ببعض السوالف
…
مع ان البعض منها ما سمعته يديد علي ،،،
لا هنتـــــي
تحياتي
اختكم
سهمي عالي