سبحان الله، في سالفتين صاروا اليوم حبيت تستفيدوا منهن مثل ما استفدت انا ان شاء الله.
السالفة الأولى انه جارنا تهاوش عقب صلاة الفجر ويا دريويلهم، الدريويل يبا من كفيله يطلعله فيزا يديده حق واحد من جماعته، والكفيل يقول كافي اللي يبتهم لك (عيال الدريويل).
السالفة الثانيه انه دريويلنا ما يبا يكمل الشغل عندنا إلا إذا زدنا راتبه، و طلعنا فيزا ثانيه حق ولد عمه، لا و نعطيه تنازل يوم ييه!!!
تميت أفكر لو كل عائله مواطنه سوت فيزا اضافيه لأي من عمالها (من باب الشهامه أو الكسب المادي) كم بيزيد عدد العمال اللي عندنا؟
أو العكس: يعني لو كل عائله مواطنه تخلصت من عامل واحد فقط، كم بينقص من أعداد الأسيويين؟
خلونا نحسبها: عدد المواطنيين بحسب آخر احصائيه هو 800 الف، و بافتراض معدل عدد أفراد الأسره المواطنه الواحده هو بين ال 4 و ال 8 أفراد، يكوم عدد الأسر الأماراتيه حوالي 100 الف إلى 200 الف أسرة.
يعني بالإفتراض الأول (استخراج فيزا واحده من كل أسره)، سيزيد عدد الهنود و البكستان و البنغاليه بمقدار 100 إلى 200 الف نسمه، أي ينسبه تقترب من الربع من عدد المواطنين!
و بالافتراض الثاني (التخلص من عامل واحد فقط)، سيتقلص عدد الأسيويين بنفس المقدار أي الربع.
وتخيلوا يتكرر الأمر أكثر من مره! شو تتوقعون؟ أكيد الزياده او النقص في عدد اللأسيويين مهول، يعني أنا و إنت يا المواطن بإيدنا نحيي هالبلاد أو ندفنها.
الكره في ملعبنا يا جماعة الخير، لا شهامه ولا طمع رخيص على حساب أمن بلدي و مستقبل أبنائي.
أنا عن نفسي سويت الآتي:
1. فتحت ملف ليسن حق ام العيال عسب ما أحتاج سايق. (نقصت أسيوي واحد والحمدلله)
2. اعود العيال العمل في البيت و الاعتماد على أنفسهم من الحين (عمرهم سنتين) (ان شاء الله بنقص أسيويه وحده)
3. البنات لازم يطبخون ويساعدون أمهم (ان شاء الله بنقص أسيويه ثانيه).
المجموع: انقاص ثلاث أسيويين من أسره إماراتيه تتكون من ثلاث أفراد، أي تعديل نسبة الوافدين في أسرتي من 50% إلى صفر بالمائة!!!!
اللي يحب زايد يشد حيله، لأنه ما أظن زايد الله يرحمه يرضى تضيع الدوله بعد اللي سواه.
إن شاء الله وصلت الرساله.
أخوي بإذن الله تتوفق في اكمال البيت وربي يباركلك فيه.
بالنسبه لمتطلبات البيت الكبير، معاك حق، بس يمكن حلها بتقنين عدد الخدم، يعني بدل ما يكون عندك خادمه و سائق و طباخ و مزارع، تكتفي بعدد أقل مع شرط انه أهل البيت يتحنلوا جزء من المهام مثل الطبخ وغسل السيارات و تنظيف الغرف للأبناء مثلا.
أشكر الأخوان و الأخوات على مرورهم و تعليقهم الطيب.
أنا أدري انه الموضوع صعب، و حله أصعب، بس في نفس الوقت، التهديد يا جماعة الخير مب على شخص أو مجموعه، التهديد هو على وجود العنصر الإماراتي العربي المسلم اللي ينتمي لهذه الأرض، اللي يملك تراث وتاريخ و لهجة و انتماء بر و ساحل الامارات، التهديد هو لحاضرنا و مستقبل أبنائنا.
أرجوا من كل أخواني المواطنين والمواطنات انهم ياخذوا خطوات عملية أمام هذه المشكاة العويصة، اللي أظن انها الهم الأكبر للإمارات واللي لازم تكون على رأس اولوياتنا.
على فكره مقتراحاتي هي بعض الحلول العمليه الممكنه و ليست كل الحلول، فيا ليت يا إخواني و أخواتي تقترحون حلول أخرى عسى نستفيد منها جميعا.
السبب في خلل التركيبه السكانيه
1 تجارة الويز
2 ويزة الزياره
أخوي أنا بقولك وضعي و إنت أحكم.
أنا الحين دوامي في بوظبي. ساكن في شقه عباره عن غرفه و صاله و أسرتي عباره عن 4 أشخاص (بدون خدم و الحمد لله). في الدوام، قرار إنتقالي لمكتبي الجديد في عجمان ينتظر موافقتي فقط، يعني مجرد إني أقول بنتقل، ثاني يوم منتقل.
من الصوب الثاني، عندي دخلي اللي يدر علي خير من الله و بيتي في الشارجه اللي يباله شهر (إذا أنا حبيت أخلصه). البيت عباره عن دورين و ملحق. مساحة البناء فقط 9 آلاف قدم مربع، هذا غير المساحه الإجماليه للحوش.
تعرف ليش لين الحين متردد أكمل بيتي؟
لأني إن كملت البيت ما بيكون عندي حجه جدام أسرتي إني أنتقل للشارجه. اللي لازم تعرفه، مساحه مثل هذي لا يمكن بأي حال من الأحوال إني أستغنى عن خادمـ/ـه على الأقل لتنظيف البيت و غسل السيايير و و و . هذا غير العماله الثانيه اللي بكون محتاجنها (لو إني ما بكفلها) مثل المزارع و و و. يعني أنته بتستغنى عن واحد، غيرك بييب 2 مكانهم.
ولهالشي، مأجل سالفة البيت الى أجل غير مسمى. مادري متى، الله يعلم.
على فكره أخوي، سبب الخلل ليس الخدم، سبب الخلل العماله الثانيه مثل اللي يشتغلون في البناء و خلافه. هذا غير العماله الغير مرخصه.