مشكورينننننننننننننننن علي المعلومات
بخصوص الي قالو عن الفجيره و دبا في اماكن احلي عندكم وادي الوريعه مكان حلو وهادي
بس انا سوال كان عن عيون الماء الحار او الكبريتي شو حالته نضيف او ===
في عين مضب الماي نظيف والمسبح مرتب .. انا اقصد في المسبح بس العين نفسها الله اعلم
هذا ادريبه انها بردة اخوي وفي منها الماء غير نضيف والصيانه تعبانه شي مخجل مافي اهتمام من قبل السلطات
بخصوص السيوح والوديان لاتحاتي المنطقه الشرقيه شابرنها شبر شبر
اذا بغيت عين كبريتي عليك بعين الغمور في كلبا
و اذا بغيت وادي فنان و دومي اشبهه بالوالد وادي في دبي بس طبيعي فيه شلال و ماي نضيف تشوف القاع بكل وضوح و عذب يعني شي بيعجبك و بيعجبك اهلك ان شاء الله اسم الوادي وادي القحفي وهو موجود في حتا على حدود عمان
السلام عليكم و رحمة الله و بركاته
الأخ رحال ، كيف حالك عساك بخير ….. بالنسبه لعيون الماي اللي ذكرت حلوين و ما فيهم شي بس صاروا مب شرات أول ، يعني عين خت تراها بردت و مضب يقولون عدلوها لأني آخر مره رحتها كان عمري تقريبا 12 أو 13 سنه يعني من زمان وايد مع اني من أهل خورفكان …. و مثل ما اتفضلوا الإخوان الكرام كورنيش الخور و كلبا حلوين و عين الوريعه ما فيها حيله و اللي أحلى و أحلى مناطق مدحا و النحوه و شيص ( مناطق جبلية قريبه من خورفكان ) فيها خضرة و في منطقة شيص راح تستانس حيل لأنه فيها ماي ) ، بالإضافة إلى الرحلات البحرية ، و فيه بعد رحلات جوية بطيارة صغيرة تستأجرها مع طيار من مطار الفجيره …… و إذا انت من هواة التخييم ترا شي سيوح حلوه و وديان ما عليها كلام ، بس البحر للسباحه صراحه ما أنصح بسبب المد الأحمر اللي مأذينا صراحه ……….. و كل عام و انت بخير و عافية
أخوك بو ناصر
هذا الي كنت ادور عليه