السلام عليكم

بعد كتابت موضوعي (http://satfrequencies.com/invest/uae240152/)
قبل 6 شهور تقريبا وحذرت من نزول السوق كحال باقي الاسواقي ..

سوق الارقام سوق مثل باقي الاسواق مثل سوق الاسهم والعقار والسيارات يرتفع وينزل ويصحح ..

اليوم اشوف انه بوادر الارتفاع صارت قريبه لسوق الارقام ان شاء الله
معلومه سريه ( في اتصالات بين كبار تجار الارقام وانا واحد منهم طبعا
في هاليومين على رفع الاسعار بالتدريج فالسوق وفالمزاد معا
مثل ماتم تثبيت الثلاثي فالمزاد الاخير فوق الـ 150الف يتم رفعه بالتدريج شوي شوي )
خصوصا الثلاثي رفعه من 150 الى 175 ومن ثم 200 وتثبيت سعره فوق لـ 200الف
وباقي الارقام بعد ان شاء الله ..

(مزاد ام القيوين الاخير ارتفعت بعض الارقام بنسبة 30% واكثر عن المزاد الي قبل)

حسب خبرتي البسيطه والحمدالله اشوف انه السوق بيرجع ان شاء الله بقوه بس ترتفع الاسهم شوي
لانه في سنة 2005 وسنة 2007 صار نفس الشي لسوق الارقام (هاي دوره اتمر بها الاسواق واذكر)
الارقام نزلت بقوه مع نزول الاسهم بس من ثبتت الاسهم ورتفعت ارتفع الارقام
وصار طلب قوي عليها وبدت ترتفع من شهر 10 سنة 2007 الى شهر 9 سنة 2008 تقريبا سنه ترتفع
وهالنزول الي صار اضراري بسبب الازمه بس تعتدل الاوضاع شوي بس مب وايد بنشوف الارتفاعات ان شاء الله هاي بشرى للتجار الصغار والكبار وعينكم على الاسهم
الانه سوق الاسهم هو اول سوق يبين الحاله العامه فالخارج
يتأثر بالصعود والنزول يوم ابيومه هو السوق الي فالواجه لكل الاسواق واسرع سوق فالتغيير ..
,, الناس من اطلع شوي بيزات فالسهم بتي لكم
ومثل مايقولون اي شي فيه خقه الناس تباه في كل العالم وماعليه خوف ان شاء الله

محللين الاسهم يبشرون بالخير لـ شهر 4 و 5
وانا ابشر ان شاء الله تجار الارقام بالخير جريب بس ترتد الاسهم ..

والخير قادم لكم ان شاء الله
وتجار الارقام مب غافلين عن السوق بالعكس متواجدين
وبينهم اجتماعات لتعديل الوضع وقدها وقدود ان شاء الله
وبالتوفيق للجميع ياااارب

9 thoughts on “سوق الارقام على موعد للارتفاع قريبا ان شاء الله !!”

  1. ياالحبيب واذا سوق الأسهم دق تحت ؟ شو ضمنك انه بيرتفع !! ؟ نحن نسمع انه بينزل اكثر من بروكريه …


  3. والخير قادم لكم ان شاء الله
    وتجار الارقام مب غافلين عن السوق بالعكس متواجدين
    وبينهم اجتماعات لتعديل الوضع …
    …………………………..
    الله يكون في عونا بس…واذا كان فيه اجتماعات وتنسيق لرفع الاسعار تدريجيا اطالب ( الناس العاديين) بعمل اجتماعات وتنسيق وتطبيق خله يصدي..

    تحياتي

    اخوي خلنا منطقيين شوي كيف خله اتصدي في سوق نازل اصلا 50%

    اخوي اذا انت مابتشتري في غيرك يشتري واموره طيبه عنده ..
    مثل ماصار في حملة خلوها اتصدي للسيارات مافيه اي تفاعل من قبل الوكالات ليش ؟
    انا بقولك ليش .. انا وانت مابنشتري سير شوف الوكالات كله هنود واجانب وفي نسبه قليله من المواطنين
    الكل يشتري ونحن محتشرين فالمنتديات بس بدون فايده مانزلت الاسعار بالشكل المطلوب
    والفطيم والرستماني اسعارهم ثابته ويمكن نزلت ابشكل بسيط جدا ..

    اذا سوق الارقام خله يصدي عيل الاسهم بعد خلوها اتصدي والعقار و ..و.. كل الاسواق
    اوكي لين متى مابتشتري اذا السعر نزل ونزل بعد اتقول خلها اتصدي عيل ماشي فايده من هالكلمه
    الناس يوم قالت خلوها اتصدي وكالات السيارات كان القصد انه يتم تخفيض اسعارها عسب تشتري بسعر
    مخفض بس اذا السعر انخفض وبعد يقولون خلوها اتصدي يعني لين متى ابا اعرف !!!!

    اسعار اسهم نزلت اكثر من 80%
    والعقار تقريبا 50%
    والارقام 50%

    والسيارات فالمعارض يمكن 10% او 0% بعض الوكالات
    الحين منو يستاهل الواحد يشتريه ؟؟

    خلوها اتصدي القصد تنزيل السعر واذا السعر نازل من الاساس ماشي فايده يعني
    وهذا الشي الاساسي من الحمله ليش ماسوو حملة خلوها اتصدي ضد العقار او الاسهم او الارقام
    لانهم من الاساس نزلت اسعارهم مب شرات السيارات الي سعرهم ثابت الى الان تقريبا
    يعني هالحمله خلوها اتصدي ماتنفع مع سوق نازل من الاساس ياخوي

  4. والخير قادم لكم ان شاء الله
    وتجار الارقام مب غافلين عن السوق بالعكس متواجدين
    وبينهم اجتماعات لتعديل الوضع …
    …………………………..
    الله يكون في عونا بس…واذا كان فيه اجتماعات وتنسيق لرفع الاسعار تدريجيا اطالب ( الناس العاديين) بعمل اجتماعات وتنسيق وتطبيق خله يصدي..

    تحياتي

Comments are closed.