بعد كتابت موضوعي (http://satfrequencies.com/invest/uae240152/)
قبل 6 شهور تقريبا وحذرت من نزول السوق كحال باقي الاسواقي ..
سوق الارقام سوق مثل باقي الاسواق مثل سوق الاسهم والعقار والسيارات يرتفع وينزل ويصحح ..
اليوم اشوف انه بوادر الارتفاع صارت قريبه لسوق الارقام ان شاء الله
معلومه سريه ( في اتصالات بين كبار تجار الارقام وانا واحد منهم طبعا 
في هاليومين على رفع الاسعار بالتدريج فالسوق وفالمزاد معا
مثل ماتم تثبيت الثلاثي فالمزاد الاخير فوق الـ 150الف يتم رفعه بالتدريج شوي شوي )
خصوصا الثلاثي رفعه من 150 الى 175 ومن ثم 200 وتثبيت سعره فوق لـ 200الف
وباقي الارقام بعد ان شاء الله ..
(مزاد ام القيوين الاخير ارتفعت بعض الارقام بنسبة 30% واكثر عن المزاد الي قبل)
حسب خبرتي البسيطه والحمدالله اشوف انه السوق بيرجع ان شاء الله بقوه بس ترتفع الاسهم شوي
لانه في سنة 2005 وسنة 2007 صار نفس الشي لسوق الارقام (هاي دوره اتمر بها الاسواق واذكر)
الارقام نزلت بقوه مع نزول الاسهم بس من ثبتت الاسهم ورتفعت ارتفع الارقام
وصار طلب قوي عليها وبدت ترتفع من شهر 10 سنة 2007 الى شهر 9 سنة 2008 تقريبا سنه ترتفع
وهالنزول الي صار اضراري بسبب الازمه بس تعتدل الاوضاع شوي بس مب وايد بنشوف الارتفاعات ان شاء الله هاي بشرى للتجار الصغار والكبار وعينكم على الاسهم
الانه سوق الاسهم هو اول سوق يبين الحاله العامه فالخارج
يتأثر بالصعود والنزول يوم ابيومه هو السوق الي فالواجه لكل الاسواق واسرع سوق فالتغيير ..
,, الناس من اطلع شوي بيزات فالسهم بتي لكم
ومثل مايقولون اي شي فيه خقه الناس تباه في كل العالم وماعليه خوف ان شاء الله
محللين الاسهم يبشرون بالخير لـ شهر 4 و 5
وانا ابشر ان شاء الله تجار الارقام بالخير جريب بس ترتد الاسهم ..
والخير قادم لكم ان شاء الله
وتجار الارقام مب غافلين عن السوق بالعكس متواجدين
وبينهم اجتماعات لتعديل الوضع وقدها وقدود ان شاء الله
وبالتوفيق للجميع ياااارب
بالعكس تجار الأرقام يقولون انه الأرقام بتنزل أكثر من شهر 6 الياي…تعرف اجازات و محد في البلاد…يعني الناس خسرانين في الأٍسهم واذا عندهم سيولة ما اعتقد يشترون أرقام …
لو ارتفعت الأرقام والله ماشتريت
الأرقام مابتنفع حد
العالم كلة سوى اجتماعات للهروب من الازمة الاقتصادية ومحد فلح بشى ….
وسوق الارقام الى هوو بالاساس مرتفع ومبالع فية بشكل غير طبيعى ومتضخم كثير عن سعرة الطبيعى هو الى بيرتفع !!!
هاى كلها حرب نفسية عشان الناس تركض وتشترى الارقام قبل ارتفاعها مثل ما يقول اخونا حبيب الكل
الكل يحب الارقام بس الصراحة الاسعار كلها مبالغ فيها وكلها ارتفاعات غير مبررة
عالعموم بالتوفيق للتجار والمشترين
حتى الان الامور غامضة ..
سوق الارقام لم يكن في يوم من الأيام طبيعيا ..
السوق مرتبط تماما بسوق السيارات .. ومتى مابترتفع مبيعات السيارات ـ بترتفع مبيعات الأرقام
1- مبيعات السيارات قلت بشكل مب طبيعي واسألوا موظفي جبل علي عن الأراضي المؤجرة لوكالات السيارات !
2- تمويل السيارات شبه موقوف ويمكنكم التأكد من موظفي البنوك
3- على المدى البعيد سيقل استخدام السيارات لتوفر البدائل كالقطار مثلا ووجود الضرائب على السيارات
طبعا هذه الأمور قللت او راح تقلل من مبيعات السيارات وبالتالي لايوجد أي مؤشر ايجابي ..
4- حتى الآن الشركات اوقفت التوقيف وبالتالي دخل الناس راح يقل
5-غير هذا كثرة عرض الارقام بدخول سوق بوظبي وام القيوين والفجيره وراس الخيمه !
طبعا هاي نظرتي للسوق وكل شي جايز ومثل ماقلت سوق الارقام سوء غريب وقد ترتفع وقد تنزل ..
أغلب التجار الموجودين في السوق داخلين على شكل محافظ والناس بدت تتخوف وتبي تسترجع فلوسها بأسرع وقت ..
كل التوفيق للجميع