السلام عليكم …
الكل يعرف بموضوع الياناصيب في سوق دبي الحرة …
يعني تشتري تذكرة وتدخل في سحب على سيارة أو بيزات …
المهم …
اليوم في جريدة البيان في الصفحة الأخيرة
حاطين إعلان عن الياناصيب والفوز على 5 ملايين درهم !!!
5000 تذكرة فقط !! والتذكرة قيمتها 5000 درهم !!!
يعني يطلعلهم 25 مليون درهم … 5 ملايين للفائز والباقي !!؟؟
مشاهدة الإعلان في موقع سوق دبي الحرة
المهم ما علينا من سوالفهم …
الموضوع يا جماعة … ليش حاطين إعلان في الجريدة؟؟
من متى صار الياناصيب حلال ؟؟
باجر بيحطون إعلانات عن الويسكي والفودكا … او بيوت الدعارة …. الخ !!
الحين الي قائمين على جريدة البيان ما يعرفون دينهم؟ ولا بيزات الإعلان نستهم الحرام من الحلال؟؟
الإعلام سلاح خطير …
والناس ما تعرف خطورته بعد !! .. باجر اليهال صعب تقنعهم بالأشياء المحرمة ..
لأن واقع الحياة حالياً يخلي الواحد يعيش في بيئة لا يعرف الحلال من الحرام !!
لا حول ولا قوة إلا بالله ..
هالنوعية من اليانصيب مب بمطار دبي وبس
موجوده على مستوى جميع المطارات العالمية
مطار ابوظبي كان يعرض مرسدسات وبي ام واحيد مره كان عارض نص مليون درهم و زمااااااان سافرت عن طريق مطار الشارجه وكانوا عارضين مرسيدس ومطار البحرين عارضين سيارات ومطار مسقط بعد عارضين هالسوالف وكلهم اشتري تذكره من ضمن 1000 او 5000 تذكره واربح
افخم يانصيب كان موجود في مهرجان دبي للتسوق لما كانوا عارضين سيارات روزرايز وغالبية اللي ربحوا كانوا هنود
صحيح انهم يربحون مبالغ مضاعفة من خلال هالحملة ولكنهم يصرفون مبالغ كبيره في الاعلانات عن اليانصيب وبعض المرات يمكن يدفعون اكثر بس حتى تصل الاخبار للعالم كله
الكل يعرف جكم هالشي بالدين
والسموحه
الواحد ما يقدر يقول غير
لا حول ولا قوة الا بالله
اشكرك على غيرتك على دينك وكثر الله من امثالك