السلام عليكم ورحمة الله وبركاته
طبعا الموضوع اللي شفتوه يمكن عجيب ولكن اللي صار معاي البارحة سايرين سوق عجمان للي عالبحر ومعروف ” بسوق اللنجات الأيرانية ” اعتقد هذا هو المسمى
صراحة وصلت الساعة 9.30 باليل مع الاهل ونزلنا عشان نشوف الصحون واغراض البيت بصفة عامة نفس اللي وصونا ان كل شئ عندهم وبسعر ممتاز
عموما ما كملنا نصف ساعة ولاحظنا الاضواء انطفت وكأن الكهرباء انقطعت ورعاة المحلات بسرعة قاموا يبندون محلاتهم
يا جماعة شو صاير قالو خلاص الساعة 10 باليل السوق يتبند
والمصيبة ان اليهال كانوا يلعبون بين الممرات عاد من بندوا الكهرباء ومن الظلام الموجود في السوق ما شفناهم ويالسين ندور عليهم وآخر شئ بالغصب سمعنا صراخهم وصياحهم وحصلناهم
هل هذا الكلام يجوز يا جماعة الخير ؟؟
تبندون الليتات على الخلق وهم يتمشون داخل السوق بدون سابق انذار ولا اعلان ؟؟
ادارة السوق طبعا بعد صلاة العشاء مب موجودين ولا على بالهم والناطور هو المسؤل عن السوق
يعني لازم في الاذاعة نشكي همومنا ؟
ام نراجع البلدية لإتخاذ اللازم بهذا الشأن ؟
صراحة شئ مخجل جـــداً و وحركة غير حضارية من ادارة سوق عجمان اللنجات
بصراحه تخلف
ممكن الزام اصحاب المحلات بانهم يبندون محلاتهم في الوقت المحدد وحد يمر قبل الموعد بربع ساعه ع المحلات يذكرهم بموعد الاغلاق وينبه الناس مب جي يبندون الليتات ع الخلق ومعاهم صغاريه
الحمدالله ع سلامة الصغاريه ياخوي
مشكورين على المرور والتعليق
ولكن في ناس كانوا دافعين بيزات والمفروض يردون لهم الباجي بس كيف انا مستغرب
هل قدروا يحسبون المبلغ المرجوع لهم ام في ظلام الليل الزبون خسر ام راعي المحل
راعي المحل اكيد متعود على لمسات البيزات اما الزبون اكيد رجعوا له اقل من اللازم ولازم يرجع يوم الثاني وراعي المحل بعد بينكر
الله المستعان
تراك قلتها
سووووووووووق اللنجات
شو تتوقع من المكان و الناس اللي فيه بيكونون!!!!
بصراحه هالطريقه خبث
المفروض يوم يبندون الليتات على الاقل يخلون 2 او 3 ليووت شغاله