بصراحة بخاطري اسولف شوية معاكم واخبركم موقف صار معاي اليوم عدال الجامعة وابغي اعرف وشرايكم فيه لكن ما اعرف من وين ابدأ 
.
انزين راح اقول القصة مثل ما صارت معاي بالظبط.
عدال مدخل الرئيسي للجامعة لقيت سيارتين واقفين يعني مسكرين الطريق يوم دقيت عسب يحرك السيارة البواب قالي ردي ريوس عكس عشان ترومين تطهرين لان هذه السيارة سيارة السفير الامريكي وما راح يحركونها لانه داخل وهذه امور سكيورتي.
قلت يوم انه سكيورتي ليش ما بندو الدخلة الرئيسية عسب ما ندخل ونتوهق المهم اتصلت بالشرطة وخبرتهم السالفة وقلت لهم اذا يرظيكم اني اخالف هذا شيء ثاني لان ردي لريوس معراه عكس تجاه السير، لا والسائق يقول خبري الشرطة ان السيارة لسفير الامريكي يعني بلهجة استهتار!! قلت له تعرف ان سفير الامريكي لو عرف بالموضوع هو بنفسة راح يعتذر لانه يعرف ان هذا غلط.
المهم عقب شوية ظهر واحد مواطن شفته يحرك ايدة فهمت من موضوع ان يقول خلوها ترد ورا .
السموحة على الاخطاء لاني كتبت الموضوع بعجالة 
تقبلوا مني اطيب التحيات
عيل عندنا يبالنا مظلات موب وحدة
اشكرك اخي على المرور للاسف كلامك صحيح100% هم غلبونا على هالنقطة عند القانون الجميع متساوي.
.
.
.
آسف ع التنكيت اختي ولا تزعلين
في امريكا ولا الرئيس يمشي عكس السير
، بس عندنا غيييييييييييييييييييييييييييير 
تعرفين ترا يقولك الناس جميعا متساوون تحت مظله القانون
لكن في ناس (متساوون اكثر) تحت نفس المظله،
ولا تنسون تشلون مظله يوم ينزل المطر
انا ماقلت شي
مصمم الازراء انت اول رد بديت بهالتنكيتة الله يستر !!
اوكي سيارات دبلوماسيين ما قلنا شيء بس من البداية ليش يخلون الناس تدخل ياخي يسخرون المدخل ويخلصونا
تعرف اني تاخرت عن المحاضرة وحطتلي تاخير المدرسة امريكية يوم خبرتها بالسالفة قالت يحقلج ان تشتكين عليه.
قلت لها اشتكي عليه تبوني يودوني جونتنامو هههههه
.
.
.
اختي
قولي انج ماتعرفين تردين ريوس !!! امزح وياج
يمكن سيارات الشخصيات الدبلوماسية لها اعتبارات خاصة غير السيارات الأخرى
تحيتي و كل تقديري