السلام عليكم
السموحة منكم اخواني بس حبيت استشيركم في السيارات (الالمانية – الامريكية…………….
لانه الاهل يريدون يشترون سيارة فورويل بس صغيرة نفس المورانوا
وانا الصراحة ما عندي خبرة في السياير وايد
المهم ……….
مواصفات السيارة سعرها فيها
تكون مريحة في السواقة ما تصرف بترول وايد
حجمها مناسب حق اليهال الصغار
تكيفها اوكيه
وكيل السيارة في الامارات يكون السرفس ماله زين بعد
وانا الصراحة راسي دار من كثر ما اسأل والاهل يطلعولي كل يوم صورة لسيارة معينة
اللي عنده تجار لسواقتنهن يخبرني واللي عنده اقتراح بعد يضيفه
انتظر تجاركم
اخوي خل عنك هالمواتر سر وكالة بن حموده واسالهم عن الاكاديا وشوف بنفسك وبتدعيلي موتر ثابت عا لخطوط ومحترم ومافي صرفيه وبدي قوي
أذا تبي توفر فلوس وتحصل مواصفات زينة وتوفير في البترول وشكل روعة
أنصحك بعد التجربة تشوف الهيونداي توسان الجديد 2011 وما رح تندم
ولا تقولي كوري وما كوري ترا الكوري تغير وايد
بسم الله
اقترح جي ام سي اكآديا
وطبعاً الانفنتي fx35 واايد حلوه ومريحه ومواصفاتها روعه
وسعرها مناسب
او قولهم بيْئم اكس5 حلو وشخصيه وله احترامه فالشارع وضمانهم ممتاز
وانا جربت الشفروليه كبتــيفا ..
جيده لا باس فيها بس لا يغرك شكـلها خفيفه واايد و الجي ام سي افضل بألف مره
بس انا عن نفسـي افضـل الانفنتي لأنها سياره ممتـازه جداً بكل النواحي
fx35 و fx50
ماعلييهم كلام
والشور عندكم اخـوي والله يوفقــكم
من بين الي الثلاث مواتر الي تباهم
اشوف انه المورانو احسنهم
فيها كل المواصفات ..وشكلها يميل انه يكون نسائي
وان شاء الله اتحصل الموتر الي يرضيك
أنا استغرب من الشباب انهم مايمدحون الامريكي…
يا اخوان الامريكي تغير واستوت شركة جنرال موتر من احسن الشركات في المعاملة والاهتمام والضمان عالمي وبعد هب اي عالمي…اختربت سيارتك في الربع الخالي ايوونك حتى لو نص العرقوب ويشلونها سيارتك…مع اعتذار…
من خلال تجربتي مع بن حمودة مرة وقفت سيارتي في الدوام وقطروها السيارة للوكالة وطلعت المشكلة في بطارية السيارة وبدلوها على حسابهم!
أخوي اذا تبى سيارة مريحة جدا واقتصادية وفيها رفاهية وسعرها مناسب فانا انصحك في
جي ام سي أكاديا
جربها في الوكالة…..