قال رسول الله صلى الله عليه وسلم :
“رحم الله إمرئ سمحاً إذا باع ، سمحاً إذا اشترى”
سبحان الله بعض الناس وللأسف البعض منهم معانا في المنتدى 
تلاقيه متنرفز وحساس لآخر درجة إذا عرض سيارته للبيع 
وإذا إتصلت عشان تشتري السيارة
يعاملك كأنك إنت الفقير اللي ياي يخطب بنته الغنية
وإنك طمعان في فلوسه
يعني يوم بتسير له لا تقوله أبا اشتري سيارتك … لا
قوله : أنا طالب القرب 
والبعض منهم يرفض موضوع الإتصال تماماً
يقولك لأي استفسار أرسل SMS فقط
وإذا أرسلت يرد عليك بــ “نعم” … أو “لا”
واحد من الإخوان سألته سؤال وقلت له جاوبني بصراحة
الأخ إعتبر كلمة “بصراحة” إهانة له 
وواحد ثاني إتصلت أسأله عن سيارته
تخيلوا رد علي بسؤال : كم عمرك ؟؟ 
شو دخّل العمر في الموضوع ؟
قال أنا ما أبيع سيارتي لشباب صغار !!!!
مع إن سيارته سعرها في السوق ما يزيد عن 28 ألف
لو عنده بوجاتي … أكيد بيطلب مني صورة الجواز وخلاصة القيد وشهادة حسن سير وسلوك وكفيلين
وواحد ثالث يطلب (على سبيل المثال) 100 ألف لسيارته ويكتب قابل للتفاوض
وإذا عيبتك السيارة السيارة تسأله عن نهاية سعره
يقولك أنا دفعولي 99 ألف ولا بعت !!!
تقوله ياخي إنت كاتب “قابل للتفاوض” … كم مجال التفاوض عندك … 100 درهم ؟؟؟
وبعد كمن اسبوع تلاقيه منزل موضوع لنفس السيارة وكاتب (تعديل السعر) !!
يا إخوان اللي يشوف سيارته عزيزة عليه لا يعرضها للبيع أحسن
يحتفظ فيها 
كلام في الصميم ولا ننسى انه فيه ناس قمه في الاخلاق والتعامل
صحيح بو موزة
الحقيقة كل واحد حر بالبيع وحر بالشراء هذه لا ننكرها ولكن يبقى طريقة التعامل مع الغير ودائما عامل الناس مثل ماتحب أنهم يعاملوك
وكن سمحا وصادق دائما أن كنت شاري أو بايع
ونسأل الله التوفيق للجميع
وعليكم السلام ورحمة الله وبركاته
قصتي
واحد عرض موتر هني بلمنتدى واتصلت عسب اشتري الموتر وكنت جاد
عارض الموتر ب 54 الف
اتصلت له وقلت 50 الف باجر بتستلم فلوسك كاش
بدل مايقولي موافق او مب موافق
قال ياخي انتو بهايم انا قايل لكم الموتر 54 الف انتو ماتفهمو وعصب كاني سبيت امة او ابوة وتم يسب والد والديني
يوم خلص قلت له انت مب متربي من جي مابرد عليك وقفلت الخط
يطرش لي مسجات سب ويتوعد بثآر .. خبرت المحامي ورفع عليه دعوة بلقذف وسجنوة يوم وغرامة 10000 درهم
ابي اعرف يوم يبا يبيع الموتر ليش يتنرفز بسرعه ..؟؟؟؟؟؟؟؟؟؟؟؟؟؟؟
الله كريم
مشكور ع الموضوع الطيب
لو عنده بوجاتي … أكيد بيطلب مني صورة الجواز وخلاصة القيد وشهادة حسن سير وسلوك وكفيلين
ههههههههههههههههههههههههههههههههههه اونة كم عمرك هههههههه
ياخي انت بصراحه مريت على ناس تحف خليك postive ياخوي lumss انا كم مره مريت على شباب يتصلون انا جاد بشتري يالله تعالي و انا اطلع برع بوظبي يوم اوصل دبي او الشارجة او اي اماره يغلق تيليفونة و مايرد للابد ههههههههههه
و مره كنت عارض تيليفون للبيع اتصلت بنيه تقولي كم سعر التيليفون و متى بيوصل قلتلها اول مايوصل ان شاء الله بتصل فيج اتغير صوتها و شكلت لاه اوي لاتتصل على هالرقم توت توت توت بندت ع ويهي ههههههههههههههههههه
بخصوص الي كاتب لاي استفسار ارسال sms فقط والله مالومهم انا بصراحة من يوم رايح بمشي على هالنضام ناس يتصلون في اوقات غللللللط يعني مال بعد الساعه 12 و اذا رديت عليه في الاوقات العاديه و قلتله برد اتصل عقب 5 دقايق انا شوي مشغول يزعل و يشل فخاطره
و مره انا نايم احلم احلام البوجاتي ولا رقم غريب يالس يحرق الفون تقريبا الساعه 2 و نص او 3 ونص بعد 4 مس كولات انا بصراحة خفت قلت بسم الله شكله شي مستوي يمكن حد من الشباب مسوي حادث الله يبعدنا من شر الحوادث رديت اتصل ولا واحد يقولي اخوي انت عارض هيدرز للبيع ههههههههههههههههههههههههه شو ارد عليه شو اقوله هذا الانسان ؟؟؟؟؟؟؟؟
و بصراحه حلوه “”يعني يوم بتسير له لا تقوله أبا اشتري سيارتك … لا
قوله : أنا طالب القرب” تعرف كيف تتفاهم ويا هالناس سووووي عمرك بطرااااااااااااااااااااااان جنك بتاخذ الموتر حق الدريول