السلام عليكم
اشحالكم خواااني واخواااتيه
اليوم احترقت سيارتي المرسيدس الجديده (اشتريتها شهر 6)…وانا كنت فى السياره وربي ستر ويات سليمه ….الحريق كان في المروحة و ما تاثرت السياره وايد…بس شو سبب الحرق ما نعرف!!!
بغيت رايكم و شوركم…كيف اطلع من هالسالفه ..السياره محترقه وبيبدلون مروحهتها بس!!!!!!مع بعض الاجزاء اللى تاثرت…حراااااااااااام قلبي يعورني …محروقه وبيوزموني اياهاااا..ما اباهاااا>>>صدقوني ما بسوقها وما بطيحها دااااااااام علقت فى راسي
اكثر الناس يقولون خذي وحده يديده….بس الموضوع مب بهالسهوله…شو الحل؟؟!!
الله يخليكم اللى عنده ترتيب والا راي لايبخل عليه …اي حل …..اااااااااي ترتيب ..بانتظاركم
قالوا بيحولونها على التامين…بعدين بنشوف شو بيقول التامين..
هزرك عادي يبدلونها بسبب حرق فى المروحه؟!!بالرغم انهم ما يعرفون شو سبب الحرق …وابصراحه انا خايفه منها تحترق مره ثانيه …
بهالعالم عشر ملايين سيارة مرسيدس
لكن بهالكون أخت وحدة اسمها وصف الشمس وأجمل
حمدلله عالسلامة أختي
والأعضاء مابيقصروا معاج بالنصايح
^_^
السياره E350
السياره ماشية 8000 بسسسسسسس
ودخلت تشييك اول مره لما كملت 7000
السياره يديده..بس والله عقب اللى صار كرهتهااا
ذكرتني بقصه شخص اشترا سياره من الوكاله ايام التسعينات فاخذ السياره وكانت تدخل هوا داخل
السياره ورحيه السياره مش وكاله وكل ما اوديها الوكاله يقولون مافيها شي المهم وداها عند كراج
قاله السياره مقلوبه المهم راح تهاوش وياهم ومافي فايده كل يوم يرووح ما يسون له سالفه…
حصل واحد من الجنسيات العربيه في الوكاله قال له انه سيارته نفس الشي كانت بس عطوه سياره يديده
وكانت 8 سيارات في شاحنه نقل وانقلبت الشاحنه وتكسرت كل السيارات وصلحوها على انها وكاله
سال المواطن صاحبنا كيف حصلت سياره يديده ؟
قال وقفت عند الباب الوكاله وكل شخص يدخل اقوله لا تشتري سياره من عندهم تعال شوف سيارتي برع الوكاله مقلوبه يكلمه المدير يقول له اطلع برااا يقول ما بطلع تبا تطلب الشرطه اطلب ما بتحرك لحد ما اطلعولي سياره يديده وقعد يسوي الحركه 3 ايام وعطوه سياره يديده واراتحوا منه
راح المواطن سوا نفس الحركه وحصل سياره يديده وعطوه وقال خذها وفكنا من حشرتك
حمدلله على سلامتج .. وما اتشوفين شر ..
سويلهم حشرة في الوكالة .. وحاولي على التبديل .. اذا ماشي فايده اتصلي بحماية المستهلك وشوفي وضعج القانوني .. اذا شفتيهم سلبين في ردهم .. استشيري محامي اذا السيارة تسوى وابدا مالج خاطر فيها ..
تعويض على السيارة وعلى الضرر النفسي والضرر المادي من خلال توقف السيارة ..