السلام عليكم ورحمة الله وبركاته
آخواني وخواتي اليوم صارلي موقف وانقهرت منه على ناس وناس على قولتهم نحن نتخالف والبنات سلام شرف بصراحه وهذا الي شفته اليوم
طلعت من بوظبي وسرت دبي واهليه ويايه سرت شارع جميرا كنت طالع من ميركاتو ووقفتني الدوريه عند الآشاره للعلم آني مركب الحزام ومافي اي شي شوي والا اشوفلك راعي الدوريه يقولي تعال الباركن قلت خير شو صاير يوم سرت قالي انت مركب زيرو زيرو في الجامعه الآماميه لعلم المخفي خفيف بدرجه ماتتتوقعونهاا قلتله ياخويه شي بسيط ما ينذكر قالي لاء هذا تليووين شامل احايله مني مناك قلتله والحل الي بخالفك وتروح تراجع المرور يوم الآحد وتحجز السياره قلتله كم مدة الحجز قالي شهر وبغيت اموت قلت عشان ورقه شهر وانا عمري ماحجزت سيارتي
فا آطلب من آخواني الي يقدورن يفكون اللوك من السياره في دبي بكون شاكرلكم لاني صج مظايج من الموضوع ولا عندي علاقات في شرطة دبي لو بوظبي اموري طيبه بس دبي ما اعرف حد
الي يعرف لا يبخل عليه دخيلكم لاني ابا اسافر ومتوهق في الموضوع مش مصدق اني مخالف ^_6
الي بيتجمل فيني يرااسلني على الخاص
اخوى دار زايد هذا كان لمدة فترة ولغووه بعدين اعتقد كان المبلغ 100 درهم عن كل يوم
توكل على الله وسير الهم يوم الاحد حاول اتكلم حد من الضباط والله يوفقك ياخوى
ولاااااااااااااتعيدها مرة ثانية
اسولف بالتوفيق
بسألك اخوي وبرد عليك خبر .. وحاول تبتعد عن الامور اللي فيها مخالفات …خصوصا المخالفات اللي صعب التجاوز عنها …
نفس سالفتي في رمضان
بس الله سلمني وتم تحويل المخالفه الى عدم ربط حزام الامان
الله يعينك اخوي
شرطة دبي عندهم طريقه تدفع بها بدل حجز الموتر
اليوم ب50 درهم
يعني الشهر 3000 درهم
والمخالفه اعتقد 500 او 700
يعني تدفع هالمبلغ ويشلون اللوك عنك بس لا تحاول ولا تترجى احد لأن القانون قانون وماشي فايده ومحد بيشل اللوك عنك
هذا واحد من الشباب كاتب نفس موضوعك من كم شهر.
بس فوق هذا، أنصحك بالتالي:
1- إستغفر ربك في كل وقت. و خصوصا و إنته ساير المرور يوم الأخد، إستغفر عـ طول الدرب.
2- قبل ما تسير، صل ركعتين إستخاره، مب لأنك تستخير ربك إنك تسير ولا، لا، عشان الله يختارلك ماهو خير. منو يدري، ممكن الحجز يكون خيراً لك.
3- يوم بتسير عندهم، حاول إنك توعدهم إنها آخر مره و إنك مب مال هالسوالف.
و الله يوفقك.