السلام عليكم ورحمة الله وبركاته
آخواني وخواتي اليوم صارلي موقف وانقهرت منه على ناس وناس على قولتهم نحن نتخالف والبنات سلام شرف بصراحه وهذا الي شفته اليوم
طلعت من بوظبي وسرت دبي واهليه ويايه سرت شارع جميرا كنت طالع من ميركاتو ووقفتني الدوريه عند الآشاره للعلم آني مركب الحزام ومافي اي شي شوي والا اشوفلك راعي الدوريه يقولي تعال الباركن قلت خير شو صاير يوم سرت قالي انت مركب زيرو زيرو في الجامعه الآماميه لعلم المخفي خفيف بدرجه ماتتتوقعونهاا قلتله ياخويه شي بسيط ما ينذكر قالي لاء هذا تليووين شامل احايله مني مناك قلتله والحل الي بخالفك وتروح تراجع المرور يوم الآحد وتحجز السياره قلتله كم مدة الحجز قالي شهر وبغيت اموت قلت عشان ورقه شهر وانا عمري ماحجزت سيارتي
فا آطلب من آخواني الي يقدورن يفكون اللوك من السياره في دبي بكون شاكرلكم لاني صج مظايج من الموضوع ولا عندي علاقات في شرطة دبي لو بوظبي اموري طيبه بس دبي ما اعرف حد
الي يعرف لا يبخل عليه دخيلكم لاني ابا اسافر ومتوهق في الموضوع مش مصدق اني مخالف ^_6
الي بيتجمل فيني يرااسلني على الخاص
قناااص صدق انك نذاله
طبعاً لو أنتبه الشرطي أنك مركب عازل حراري لجامه الأمامية كاملة بيعتبرها شامل ..
أنا مركب عازل حراري جدام بدون تلوين يعني بيعتبرونه شامل؟
صارلي سنة ونص وللحين محد قالي شي !
برووح يوم الآحد وبشووفهم
المخفي الحراري الشفاف يعتبر شامل هذا من زمان
والله يعينك على الحجز … الموتر بيصدي
أنصحك زيد نسبة المخفي ودخلها الحجز ((خايسة خايسة))
بعد ماتطلع السيارة من الحجز سولها غسيل شامل وأضربها بولش وتشميع عسبت يعيد لمعانها