صباح الخير … الشهر اللي طاف .. الصراحه كانت لي رحلة مكوكيه … في دوائز ووزرات .. و شركات … ولاحظت انه توجد سياستين .. و منهم
سياسة فاالك طيب ..وآمر. و اقرب … و ابشر … و قد ما نقدر بنساعدك ..
و الله يا جماعه و الله غير .. يوتشوف شباب اماراتي او بنت مواطنه … ياخي شي حلو حتى لو موضوعك ما يستوي .. يردون عليك بكل احترام … و تقدير .. و يحاولون يساعدون … من خاطرهم .تحس انج داش بيتك.. و ما تطلع من عندهم الا وانته راضي .. حتى ما حصلت اللي تباه … و للعلم ترى مالي علاقة بهم ولا اعرفهم … ولا ساير عن طريق واسطة .. واسطتي ربي ..
سياسة عاوز ايه حضرتك … وشو بدك وما ييصير .. و اموسبيل و كيسا هي
تلوع جبدي .. من يكون المسؤول عن موضوع .. منهم .. والله تنقهر .. فلسفه زاااايده عفان الله و طليات غريبة عجيبة .. و كل شي عندهم ممنوع … حتى قبل ما يشوفون شو عندك … اعوذ بالله .. انا ما ما اقول الكل بس بنسبة 100 % ما منهم فايده ..يعقدون الموضوع .. و يسون قصة و فلم .. و مليون سؤال لين ما يفهمون .و آخر شي يقول لك امبوسبل ؟
يارب قول آمين نشوف كل دوائرنا ووزاراتنا و كل شي عدنا مترووووووس غتر و عقل و كنادير و شيل وعبي …
بس شبعنا من عاوزر ايه و كيسا هي
و يكون شعارنا ( الاماراتي غيييييييييييييير )
يا جماعه الخير… المواطنين حاليا في عصرهم الذهبي .. سواء في تسهيلات التعليم او الوظائف و لا تقولوا في بطاله لان اهل الارض احق من غيرهم بخيرها
راح خبركم بتجربه صديقاتي اللي اتخرجوا معي من نفس الجامعه – جامعه الشارقه
البنات مواطنات
في فئه منهم ما شاالله عليهم نشيطات راح و قدموا في كل مكان سواء دوائر حكوميه او خاصه
بنوك ..شركات عقاريه … – طبعا كلنا متخرجين اداره اعمال فالوظائف في هالمجال راح تكون
في منهم حتى اسسوا مشاريعهم الخاصه و اتميزوا فيها سواء كفكره او تنفيذ
هالفئه كلهم اشتغلوا و في اماكن جيده جدا
مثلا في برنامج للخريجين في بنك دبي الوطني اسمه PAL و هو لمده سنتين و يهدف لاعددادهم على مستوى قيادي .. و في منهم اشتغلوا في اعمار .. و في شركات وساطه اسهم و في مكتب الشيخ محمد و في الديوان و امثله كثيره
و في قسم ثاني قدوا في البيت قدموا مكان او مكانين و قعدوا ينتظروا و ينتظروا و ينتظروا …
و بعدين خريجين الثانويه كل البنوك بتاخذهم في قسم خدمة العملاء – كلام عن تجربه-
و لازم يطوروا من انفسهم… يعني المتخرجين من المدارس الحكوميه يقوي انجليزيتهم … في هالوقت شهاده الماجستير صارت شهاده عاديه فكيف اللي معهم ثانويه عامه
الخلاصه كل واحد يشوف شو نقط ضعفه و يحولها لنقاط قوه و في النهايه الرزق بيد رب العالمين
بس العلم يرفع بيوتا لا عماد لها … و الجهل يهدم بيوت العز و الكرم
الشكوة لغير الله مذلة
<< لا تعليق
اخوي هامان هاي سوالف وايد تتكرر بس المشكله مب هنيه ..
والله يا اخوي الواطنييييين مش محصلين وظايف خرجين ويتوضف على درجه ثانويه وتلقاه راضي لين اييه الفرج هذه اذا حصل.. اللحين يت موضه يديده الاجانب الاوروبيين .. يطلعون المواطن ويحطون ولد الحمرا بداله وسر اتفاهم وياه ولا تحصل منه لا حق ولا باطل ولا ترمس عن المعاش دبل ..انا ما ادري هل نحن مخوختنا مقفله لين اللحين وما نروم نشتغل ولا شوه؟؟؟؟؟ وهل العيب فينا ولا فيهم ؟؟؟
والله انك ما جذبت ..الاسبوع الي فات داخل مكتب والي يداوم مش مواطن (جنسيه ما احب اذكرها لنه في الزين منهم وفي الشين) المهم بخبركم السالفه الي استوتلي والله يوم ارمسه تقول يالس اشحت منه لا اسلوب ولا شي ويوم خبرته الموضوع قال مب عندي وسرت واتخبر الي عداله قالي لا عنده سار ويايه الريال وقاله طلع له من الكمبيوتر الاجازات جان يطلعهن من دوم نفس يعني ليش هذه الاسلوب مب عايبينه اذا عنك الوضوع خلص الاوادم. الكل يشتكي منه بس لين اللحين ساكتين عنه عادي تدخل عليه تكلمه يصيح التلفون ييلس ساعه يدق سوالف وانته واقف . القهر اني ما اشتكيت عليه فوتها حقه لنا نحن ما نحب المشاكل بس والله ان عادها والله ما اسكت عنه الهرم حاطينه عشانا ويوم تبا منه شي يقولك مب عندي تحس انه في نحاسه ومب عايبنه الشغل..
واذا الريال هو يدير الشغل؟ وهو مواطن؟