سيراميك رأس الخيمه

14 thoughts on “سيراميك رأس الخيمه”

1. الكرتون يكون مكتوب عليه Grade A

   وللضمان والإبتعاد من غش المحلات

   الذهاب لمقر سيراميك رأس الخيمة لمشاهدة العروض الحديثه الموجوده وعليكم الا تاخذون رقم الموديل وتعطونه مقاول أو محل تجارة سيراميك

2. مرحبا و سهلا اخويه

   طبعا سيراميك راس الخيمة و النخب الاول او الدرجة الاولى من افضل الانواع و ينافس الايطالي و الاسباني

   و العجينة الي يستخدمها وفق المقاييس العالمية و تفرق الدرجة الاولى عن الثانيه في نوع العجينة و طريقة التصنيع و الحرق

   الحل للوصول للنوع الي تباه ،،، انك تسير الوكالة نفسها و تختار الدرجة الاولى او المعرض الي في الشارجة

   او اسهل حل انك تتصل فيهم و يعطونك المندوب مالهم في منطقتك

   و نصيحة مني ابتعد عن الصيني لانه من الوقت بيظهر عيوبه و اهمها تاثير الرطوبة عليه

   البورسلان الاماراتي ( مرات ( الناس الي هب فاهمة) يسمونه اسميا جرانيت بس هو هب جرانيت و علميا اسمه بورسلان لانه الجرانيت يختلف)

   من أمتن وأكفأ منتجات البورسلان على مستوى العالم وليس على مستوى الشرق الأوسط

   في الامارات عندنا مصنعين

   1- سيراميك رأس الخيمه

   2- سيراميك الخليج

   و كلهن ممتازات و البورسلات جميل – متين – لامع – ناصع – لا يحتاج الى الصيانه – وسعره أرخص من الرخام

   وفوق كل ذلك .. فالبورسلان ماده طبيعيه لا وجود للكيماويات في تكوينه

   و في انوع اللامع و المطفي و الناعم و الخشن و افضل شي انك تبتعد عن الخشن لانه صعب التنظيف

   ومن خلال التجارب .. والإختبارات المخبريه .. ومن خلال مقارنه هندسيه بحته بين كافة منتجات البورسلان .. فإن البورسلان الاماراتي بمصنعيها .. راس الخيمه .. والخليج .. هما من أفضل منتجات البورسلان على مستوى المصانع الاوروبيه والاسيويه

   سعرهم يعادل 30-40 % من سعر الاوروبي ؟؟؟؟ خذ لك المحلي النخب الاول و لا تشككون في صناعة بلادنا

   سلااميه علييييج يا بلاديــــه

   و ربيه يوفقك

   

3. والله انا شريت من سيراميك راس الخيمه نوع من الجرانيت (مات) يعني هب املس طبعا حطيته في صاله ومعاه بورد فالنص …

   الصراحه عجيب كمل الحين 5 اسنين حسيت به افضل من الصيني بوايد

   يمكن الفرق بين الدرجه الاولي والثانيه شى ايسمونه الزيرو جوينت ( هذا الفرق في المسافه بين كل قطعه وقطعه والافضل طبعا اللى فيه تتلاحم القطع)

   نصيحتي لك لما تشتري اسال راعي المحل هل هذا درجه اولى او ثانيه وماعتقد المحل بيكذب عليك بيعطيك الكلام الصحيح وبيكون فيه فارق فالسعر

   اما من ناحية الجوده فهو ممتاز وفيه اشكال حلوه …وبعد لاحظت ياخذون الحين من سيراميك راس الخيمه لواجهات المنازل نوع مثل الحجر بس غالي اشوي اتقول البيت ملبس بحجر لما تركبه فالخارج

4. بلا سراميك راس الخيمة بلا سراميك الفجيرة

   خذ لك سراميك صينية من افضل الانواع وارخصهن

5. وين الردود يا اخوان ترا الموضوع ينفع شريحه كبيره من الشباب

Comments are closed.