سيفورا في دبي

هايات صبايا و شباب و شياب

طبعا الخبر صارله مده شوي…بس بخبركم يمكن العرب صوب الامارات الثانيه غير عن دبي بعدهم ما عرفووووووو

يقووووووووووووولكم فتحو محل سيفورا في دبي

اكبر محل للعطور و المكياج في فرنسا

في مدينة الفطيم فيستفال ستي

و عاد قلت ما بخبركم لين ما اسير اشوووووووووووف بعيني

عشان اييبلكم الخبر اليقين

و اليكم الخبر التالي من مراسلتكم دبي بيبي

اتصلت لي ربيعتي جوجو و تقوووووووول: دبي بيبي ما سمعتي
دبي بيبي: هااااااه يمايه شو مستوي بعد
جوجو: يقوووولج سيفورا فتح في دبي
دبي بيبي مبطله حلجها و القلب يدقدق و الحاله صعبه: هااااه قووولي والله
جوجو: والله في فستفال ستي سيري شوووووووووفي خبااااااااااااااال
دبي بيبي: بسير ان شاااااااااااء الله اكيد ما افوت

سكرت عنها و الا مسج من ربيعتي الثانيه: لحقي فتحو سيفورا في فيستفال ستي

و تتوالى المسجات وصلت 5 مسجات عن نفس الموضوع في يوم واحد << البنات متحمسات

دشيت المنتدى النسائي اللي دوم ادخله..و اشوووووووف الموضوع جدامي : سيفورا فتح في دبي

هلعوووووووووني بصراحه شو هاااااااا

و جان اسير

و متحمسه داخله اتحرى سيفورا الا عدال الباب و اسأل السيكيورتي و اسأل الانفورميشن

و امشي و امشي و بلاد تشلني و بلاد تحطني…

خذتلي 20 دقيقه مشي لين ما وصلته << ماعليه رياضه

و حصلته و اخيرا دخلت ارابع من الفرحه متخاديه ماعرف وين اضرب براسي شرق و الا غرب خخخخخخخخخخخخ

الموهيم حصلت كمن شي كنت اباهم و تشريت بعد…و بسرعه بسرعه لان كان عليه كلاس

طلعت مشترواتي ب 1000 ربيه << هذا على السريع في ربع ساعه خخخخخخخ

المهم اعطيكم الخلاصه

1. فعلا المحل صوغنن و ما فيه وايد اشياء

2.العربان مب ويه حد يخليلهم الحبل على الغارب لان كل ما اسأل البايع وين تستر مثلا العطر الفلاني…يقول الزباين كسروه…يايين يتشرون و الا يكسرون << خخخخخخخخ

3. البايع اذاني شويه لان احب اتشرى بهدوء…بس يمكن لان كنت بروحي في المحل

4. عطورهم فعلا قويه و غير عن باقي العطور في البلاد…صدق صدق ريحتها فيها و تعلق في الثياب..مب شرات العطور اللي هنيه تروحينه اول ما ترشينه و عقب تنسينه..بالعكس عطووور سيفورا كل شوي تهبي عليج ريحتها و هي في ثيابج

5.عدال الكاشير فيه معلاق عليه اغراض اسمها اكسبرس..حق البسرعه بسرعه للموظفات او السفر و جذيه..لا تفوتونهم صدق كيووووووووت هالاشياء و جدا عمليه للموظفات و الطالبات و للسفر.

_______________

بقولولي الحين شو الفرق بين عطور هالمحل بالذات و عطور المحلات الثانيه

بقوووووللكم

اي محل عطور في الامارات او في الشرق الاوسط..يستورد العطوووووور من هونغ كونغ لان فرنسا مب مسئوله عن الشرق الاوسط….و نسبة تركيز العطور اللي عندنا اقل بوااااايد عن العطور فرنسية الصنع..يعني مال اللواته اللي عندنا

و هذا محل فرنسي…
على العموم انا ما برمس وايد و التجربه خير برهان ..و الي يسير يروح عطورهم بيعرف الفرق.. يشتري العطر نفسه و يروحه..

و هذي صور سيفورا اللي في فرنسا..عشان اللي ناسنه يتذكر و اللي ما يعرفه يتعرف عليه لووول