السلام عليكم ورحمة الله وبركاته
اليوم يايب شالات كشميرية نوعية ( الترمه ) كما عودتكم دائماً بألوان مختلفة ، والكمية محدودة والسعر رخيص جداً بالنسبة للترمه ، واللي متعود يشتري شالات السوق بيعرف الفارق الكبير بين سعري وسعر السوق
وسعر الشال الواحد : 700 درهم
للتواصل إرسال مسج أو الإتصال بالرقم 050.2722276
وأترككم مع الصور
وهذا رابط الصورة
http://www4.0zz0.com/2007/02/08/00/95480357.jpg
ولاتحرمونا من ردودكم مخاوين شمه
اخوكم
سيف الشامسي
بالتوفيــــــــق اخوي
بالتوفيق ان شاء الله
ترمة 100%
والسعر في اعتقادي سعر الجملة
لانه عندي محل واعرف اسعارهن
وبالتوفيج يالشامسي
مشكور اخوي الغالي على التواصل والمرور الطيب والله يوفق اليميع يارب ،
الحمدالله رب العالمين بعت كميات كبيرة في منتديات كثيرة وايضاً خارج الانترنت بعد على 1000 درهم
الحين آخر كمية عندي والعدد محدود ، مابيصير شي علي لو سويت تصفيه على آخر شالات ولا شو رايك
والله يوفقك ياخوي
والسموحة منك
انا معاك اخوي الدرمكي اعتقد هاي نصف ترمة او اقل
اخي راعي البحر إذا هاي هي نفسها الترمة كاملة انا شراي بخمس قطع
مع الشكر
مرحبا شيخي
أخوي الغالي شو رايك تشوف بعينك وتتأكد بنفسك إذا أصلية ولا لاء ، أعتقد هاي الأنواع من البضاعات ماتنعرف جودتها ونوعيتها إلا إذا شفتها بعينك ولمستها بإيدك ، وإذا حبيت تشتري حياك والله في أي وقت
ومشكور اخوي الغالي على المرور الطيب
والسموحة منك يالغالي
أخوك
سيف الشامسي
السلام عليكم ورحمة الله وبركاته
اخوي راعي البحر اتمنى انك ما تزعل من اخوك لكن اسمحلي اقولك صحيح اني انا ما شفت بضاعتك لكن من خلال السعر اقدر اخمن انها مش ترمة خالصه هذي النوعيه نسبتها كبيره تكون الترمه المخلوطه
على العموم اتمنى انها تكون الترمة الاصليه الخالصه ويكون سعرها هذا وتراه نصيحه من اخوكم اذ ترمة خالصه 100% نصيحه اشتروها من صاحب الموضوع وانتو مغمضين
شكرا واتمنى تتقبل تعليقي اخوي الكريم
وعليكم السلام ورحمة الله وبركاته
هلا اخوي الغالي ، لا افا عليك والله ، مابينا زعل إن شاءالله ، وعلى طاري النوعية تراها أصلية ياخوي ، وانا كنت أبيع في هذا المنتدى على 1000 درهم والله وأسأل الأعضاء في هذا المنتدى عن الشالات مالي هم يعرفوني من زمان ابيع شالات في هذا المنتدى بـ1000 درهم لكن الحين حبيت اسوي تصفيّه على آخر شالات موجودة عندي ،وانا ادري ان هذا السعر أرخص من السوق بوايد ، وانته شكلك خبير في أسعار السوق فـ يوم شفت السعر رخيص استغربت وشكيت في جودة البضاعة / على العموم اخويه معذور لان كل واحد مكانك بيشوف هالشئ / وإذا تحب تتأكد تفضل عندي انا موجود في دبي تعال وشوف بعينك على الطبيعة وانته بنفسك بتعرف إذا هي ترمه اصلية ولا لاء ,,
والسموحة منك اخوي الغالي ، كلمة الحق ماتزعل وماعليك أتقبل الردود بصدر وسيع والله وأشكرك على التواصل