السلام عليكم

شحالكم

مثل ما هو باين فالعنوان ابغي اشتكي على واحد اتسلف مني فلوس و الحين يالس يماطل و شكله ما يبي يردها

السالفة الريال كان مسافر مكان و اتصل لي قال لي عشان اطرش لحرمته فلوس ما نازل لهم شي هالشهر و انا بحكم معرفتي بالريال و معاي فالدوام و الريال من اهل البلاد فطرشت له عن طريق الانصاري فلوس بأسم حرمته و قال لي بيردها يوم يرد قلت له اوكي

الريال بعد ما رد كل يوم يماطل و اليوم و باجر و على هالحال و الحين مرن 6 شهور و هو شكله مب ناوي يرد الفلوس

طبعاً الشي الوحيد الي معاي ايصال حوالة بأسم حرمته بالمبلغ

فما ادري هالشي بيفيدني ولا كيف لاني ابغي فلوسي

و شكراً

9 thoughts on “شباب ابي اشتكي فوين بس”

  1. مشكورين شباب
    الريال فنش من عندنا و اكتشفت بعدين انه ما مخلي حد ما تسلف منه
    و بالنسبة للشهود ماشي شهود سوى ايصال الحوالة
    و الريال ماعرف غير اسمه الثلاثي و رقم تلفونه و المدينة الي ساكن فيها بس اي منطقة ما اعرف

    و المبلغ الي ماخذنه مني 7 الاف درهم و انا كم مره بلغته قلت له ابغي فلوسي محتاجنهم يقول عطني لنهاية الاسبوع و بعد اسبوع مافي شي

    اليوم بروح مركز شرطة خليفة و بشوف شو يقولون و اذا ماشي فايدة بروح بكره لجنة التوفيق و المصالحة فبني ياس

  3. الغالي … تروح لجنة التوفبق والمصالحة … وتكتب موضوعك كامل … وترفق صورة من السند التحويلي ..

    لازم تحط عنوانك بالكامل .. وعنوان صاحبك (الامارة – المدينة – الشارع رقم البيت او العمارة والطابق والشقة ..حتى تلفونه تحطة )..

    اذا انت في بوظبي روح المحكمة ع طول واسئل عن لجنة التوفيق والمصالحة .. واذا انت في المنطقة الغربية روح محكمة الظفرة .. وذا انت في بني ياس روح محكمة بني ياس ..

    وحاول تاخذ منه اقرار خطي … يعني تكتب صيغة ان الريال تسلف منك مبلغ وقدرة في الوقت الفلاني .. …وانه بيقوم بتسديد هذا المبلغ في اسرع وقت مثلا ..

    أو تشهد عليه ..اذا كان المبلغ من خمسة آلاف وما دون … يعني دام انه بالدوام معاك سهل تحتال عليه وتاخذ أقرار منه ..مثلا ..تتفق مع زميل لك أو أكثر ويكون معاك حاضر ويا الريال اللي تطالبة بالبزات .. وتقوله ..الغالي شو بخصوص السلفة اللي طرشتها لأهلك الاربعة آلاف(بذكر المبلغ والواقعة) وتطمنه بان الامور طيبة وانك مش محتاجة بالضرورة الحينة ..فإن قال لك اصبر علي شويه او اي شي من هالقبيل بالمماطلة دون انكار الموضوع بالمرة فيعتبر اقرار منه جدام ربعك … وتروم تستشهد فيهم امام لجنة التوفيق والمصالحة …وبذلك اضفت دليل آخر لديك بخلاف السند التحويلي …

  5. السلام عليكم

    صباح الخير اخوي

    طبعا الايصال اللي تقول عنه يمكن يفيدك في حالة انك اشتكيت

    بس ماادري احس انك يمكن تستحي انك تشتكي عليه

    لاني مااعرف شو حدود علاقتك بالريال

    اذا كنت اصدقاء من زمان حاول معاه قوله انك محتاج وعطه موعد معين اييبلك فيه الفلوس على شان يكون الموضوع جدي اكثر

    بعدين اذا مارجعهم اشتكي عليه بالشرطه
    لكن مب على طول اول عطه موعد محدد وقوله انه هذا اخر موعد لانك انت محتاج ….

    السموحه اخوي

Comments are closed.