السلام عليكم
شحالكم
مثل ما هو باين فالعنوان ابغي اشتكي على واحد اتسلف مني فلوس و الحين يالس يماطل و شكله ما يبي يردها
السالفة الريال كان مسافر مكان و اتصل لي قال لي عشان اطرش لحرمته فلوس ما نازل لهم شي هالشهر و انا بحكم معرفتي بالريال و معاي فالدوام و الريال من اهل البلاد فطرشت له عن طريق الانصاري فلوس بأسم حرمته و قال لي بيردها يوم يرد قلت له اوكي
الريال بعد ما رد كل يوم يماطل و اليوم و باجر و على هالحال و الحين مرن 6 شهور و هو شكله مب ناوي يرد الفلوس
طبعاً الشي الوحيد الي معاي ايصال حوالة بأسم حرمته بالمبلغ
فما ادري هالشي بيفيدني ولا كيف لاني ابغي فلوسي
و شكراً
السلام عليكم ورحمة الله وبركاته
أنا بعد .. اربيعتي خذت مني .. والله يسامحها .. قالت أول مبلغ يتوفر لي على طول برده لج
ولا شفت رقعة ويها .. ماشوف الا مسجات مدح وصداقة ونكت .. ؟؟ دهان سير يعني ؟؟
الله أعلم .. الله يعوضك خير ..
انسى..ماشي فايده
و خلهن في ذمته يوم القيامه بيردن لك اضعاف مضاعفه من الحسنات
عيل انا شقووول وحليلي زيد على السبعه صفر ..بس القانون لا يحمي المغفلين << تعرف عمرها عدل ههههههههههههاي
يلا الله يعوض علينا و عليك
ياريال ياكثر اللي سالفناهم وطنشونا
تدري ان ولا واحد من اللي سلفتهم ردولي شي
حتى اخوي طنشني
تذكرتي بسالفه
واحد راح لربيعه وقاله ابوس راسك سلفني
قاله اسمحلي
قاله ليش
قال ادري اني بكره ببوس ريله عشان ترجعهن
أفضــل أنك تنتظر شوي وتعطيه فترهـ يمكن الريال يمر بأزمة