مــا أبـــا زعــــل تــراه وصلـــني بإيميلـــي

أبــا روح ريــاضيــة وثقـــة عــاليــة منكـــم

من غــير زعــــل اوكي

والله بدون زعل


شباب الامارات .. كيف تعرفه من أي اماراة ؟


بوظبي


تحصله مسوي تقشير للوجه والنعال لازم انتونيو والكندوره طربال ويسوي المستحيل علشان يشتري سياره حلوه وضارب مخفي شامل ويحوط في الحاره بس وطبعا عمره 40 ولا يشتغل (الله يخلي الوالده طبعا) اما اذا كان عنده ستيشن ومافيها مدعميه وضروسه بنيات وفيه كشه تراه من المنطقه الغربيه


شباب العين


طبعا كلمة (لو سمحت) هي ممحايه من قاموسهم اذا كنت في السينما تسمع صوته من آخر الصاله واذا راغ بنت عادي يروغها من موافي يلين راس الخيمه وتحصله يحوط في شارع الضيافه وطبعا معلق الكندوره ورا والسياره غبرا وكاتب رقمه ورا والي يشوفه يقول هذا حاجز في برج العرب مب جنه بينسدح في شي من هذيلا السيوح..


شباب دبي


طبعا الناس في شهر سبعه يكون كاشخ بكندوره سودا ولحيته حمرا قفل طبعا ومعلق دباديب ورا في سيارته وعداله روسيه ويقعد في ستار بوكس من الساعه 4 العصر يلين الساعه 12 فليل..


شباب الشارجه


لا مفر من كلمة(لاه) ولابس كندوره شفافه بدون فانيله ولابد من العقال الضعيييف والساعه الرولكس مال بانكوك ويوم ترمسه كلمتين عربي والباقي اردو..


شباب عجمان


طبعا لازم يكون عنده (GT) وكاتب احدي العبارات ورا علي سيارته (المتيم،عيمان بوي،باد بوي،المهاجر) ومايتعدي طوله عن 150 سم ومايفرق شتا ولا صيف علي طول منزل اللجامه طبعا لانه المكيف خربان ومعاش الجيش كله رايح علي السياره..


شباب ام القيوين


السياره المفضله الكابرس واقصر واحد فيهم طوله مترين واحلي واحد فيهم يشبه خالد الملا..


شباب راس الخيمه


مربي كشه وطاوي الغتره وراصنها علي راسه يلين يتناطرن ذنيه وعنده سوزاكي حاطله ستين اريل وعليه (حكومة راس الخيمه) ولا كشف بعد وطبعا ماايوزون عن كلمة (شحالش) ..


شباب الفجيره والمناطق المجاوره


هم حبوبين وطيبين..بس لو يودرون الفانيله الكت وطبعا الدوام لازم في بوظبي والسكن شقه تتكون من غرفه واحده+حمام ومجموع الي ساكنين فيها 15 واحد ..


المناطق المجاوره،كلباء،خورفكان،الذيد،دبا


مستحيل تحصل واحد منهم يزيد وزنه عن 40 كيلو وهديته المفضله كرتون همبا خضر وطبعا اذا حصلتهم يوم الاربعا علي نهاية الدوام في الخط ولابد من الكريسيدا وعدد الركاب الي فيها من 7 الي 9 في السياره هذا اذا كان بعد محد في الدبه ورا جرب عطهم فول ليت اذا لف مره وحده يمين بسرعه وكل الي في السياره التفتو ورا يطالعونك ..تأكد انهم من المناطق المجاوره للفجيره

شــــوو قلـــنا ( بــدون زعـــل ) ..

55 thoughts on “شباب الامارات : كيف تعرفه من أي اماراة ؟”

  1. موضوع غير ذكي ( ما ابا اقول غبي) الواحد يدخل المنتديات علشان يستفيد مب يقراء كلام ماله داعي عن عيال البلاد و يتمصخر عليهم .. اقترح اغلاق الموضوع

  2. انا شخصيا ضحكت وايد ولا شفت فيه اي اساءه مقصوده لحد الموضوع عام وليس شخصي ولا ادري ليش زعلوا الشباب ياليت حد يفهمنا

  3. يالله بالستر ..

    كيف جلبتو الدنيا ..

    هالموضوع يمكن من 3 اسنين او اكثر .. وقريته في اكثر من منتدى والكل خذه بروح رياضيه (( سوالف وبس))

    لكن انتو الله يهديكم تسوون من شي لاشي ..

    حشرتو البقعهــ على موضوع مايسوى..

    انتو ليش تاخذون كل شي بحساسيهــ ؟؟

  4. لا تــــزعلـــــــــــون منــــي

    آسفـــــــــــــــــــــــــــــة

    رجاءاً السمـــــــــــــــاح

    تـــــوبه مـــا عــــاد أمـــزح بالمنتـــــدى مره ثانية

    أبـــــــــــــــــــــــــــــداً

    خل قلوبكم بيضة

    بزعل اذا استوى زعل امابيننا احنا أهـــل

    وكــل الامــارات هي قطعة من القلب ما تتجسم

    والله نعرف اختي ان ما قصدج الا كل خير

    بس المواضيع اللي مثل هاي حساسه نوعا ما

    نباج تضحكين وتمزحين

    وبعدين عندج بورش يعني غصبا عنا نضحك

    لو عندج كورولا ولا بنسوي لج سالفة

    وانتي اخت عزيزه ونتمنى الردود السابقة ما تأثر على نفسيتج <— حساسات البنات

    ومن عندي هاي هدية خاصه خاصه خاصه لج

    والسموحه منج

  5. لا تــــزعلـــــــــــون منــــي

    آسفـــــــــــــــــــــــــــــة

    رجاءاً السمـــــــــــــــاح

    تـــــوبه مـــا عــــاد أمـــزح بالمنتـــــدى مره ثانية

    أبـــــــــــــــــــــــــــــداً

    خل قلوبكم بيضة

    بزعل اذا استوى زعل امابيننا احنا أهـــل

    وكــل الامــارات هي قطعة من القلب ما تتجسم

Comments are closed.