شباب الامارات : كيف تعرفه من أي اماراة ؟

55 thoughts on “شباب الامارات : كيف تعرفه من أي اماراة ؟”

1. نفس الموضوع بالضبط انطرح من سنتين واستوت ضرابة وانغلق الموضوع …
   جنه السالفة بتنعاد الحين ..
   وانا كنت مب مسجله بس كنت زائرة ..
   واقرا ردود الاخوان واستغرب .. وللحين انا مستغربة !!!
   من هالردود!!
   الله المستعان…

2. ماصار الا الخير ياخوي .. خلنا نستفيد من الموضوع ..

   أخونا الرباش حط ملاحظة أنا بعد لاحظتها في كذا إمارة .. في فئات معينة

   راجع مشاركته ومشاركتي وخلنا نتناقش في هالنقطة .. شو سببهها و كيف ممكن نتلاشاها

   لأنه فعلا بعض الشباب تسلم عليه كما قال رسول الله صلى الله عليه وسلم (أفشوا السلام بينكم) ولا يرد عليك حتى الله يهديهم

   لو الحديث بصوره عامه بنقول ماعليه
   ولكن انه يحدد اماره بحد ذاتها اهنيه الغلط
   قريت مشاركته ويقول البعض من شباب ابوظبي
   اشمعنا شباب ابوظبي ؟
   مافي بدبي شباب شايفين عمارهم ؟
   انا كنت بتقنية الطالبات في دبي قبل سنتين وفي شباب هناك سلمت عليهم حتى السلام ما ردوه فهل اقول والله شباب دبي شايفين اعمرهم ؟
   عندي واحد من زملاء الدراسه براس الخيمه ونحن سنين مع بعض من الابتدائية لين الثانوية بس الحين اذا شافني حتى السلام ما يسلم والسبب عنده مول ورقم ثنائي وعمه وزير وخاله وزير فهل يحق لي اقول شباب راس الخيمه متكبرين ؟

   المغالطات اللي تصير والنعرات اللي حاصله بالموضوع ماهي الا نعرات الجاهليه والواحد قبل لا يرمس ويعق كلمه لازم يوزن كلمته قدام الناس لأن في بعضهم ممكن ياخذون الموضوع بحساسية

   فهل هالمنتدى محتاج حساسية مابين اعضاءه ؟
   كلنا عيال بلاد وحده وتحت قائد واحد وقياده وحده فليش هالفرقه التافهة اللي نسويها بأعمارنا ؟

3. مشكورة يا راعية البوورش بس حبيت أقول كلمة مب كل شي يوصلني على الإيميل أنشرة في المنتدي لأن بعض المواضيع تسبب الحساسية
   ملاحظة :-
   قبل نشر إي موضوع يجب التأكد من صحتة وأتأكد أنه ما يسبب حساسية أو يجرح عضو من أعضاء المنتدي وما في فرق بين راعي أبوظبي وراعي دبي وراعي الشارقة وراعي أم القيوين وراعي راس الخيمة وراعي الفجيرة وراعي عيمان كلنا مواطنين وكلنا إماراتيين وكلنا من هذي الدولة وما فيه فرق

   أتمنى حذف الموضوع من قبل المشرفين

   والسمووووووووووووووحة

4. تخيل واحد يي من وراك ويعطيك ضربه على رقبتك ويقول صباح الخير

   القصد انه يمزح ولكن هل المزاح يكون بهالطريقه ؟

   ماصار الا الخير ياخوي .. خلنا نستفيد من الموضوع ..

   أخونا الرباش حط ملاحظة أنا بعد لاحظتها في كذا إمارة .. في فئات معينة

   راجع مشاركته ومشاركتي وخلنا نتناقش في هالنقطة .. شو سببهها و كيف ممكن نتلاشاها

   لأنه فعلا بعض الشباب تسلم عليه كما قال رسول الله صلى الله عليه وسلم (أفشوا السلام بينكم) ولا يرد عليك حتى الله يهديهم

5. بس فية نقطة مهمة لا حظتها في شباب

   بوظبي يا اخوان شباب بوظبي متكبرين وايد

   و شايفين عمارهم ( طبعا مب الكل )

   و الله كم مرة تدخل كوفي و لا عرس و لا

   عزا مرة يلبسونك و لا يسلمون عليك .

   اتمنا عدم الزعل و نناقش هذة النقطة

   بهدؤ.

   هذا البرستيج اليديد طال عمرك ومب في بوظبي بس شفناه في كل اماراتنا الحبيبة .. شو مغزاه الله أعلم …

   وصبوع إيدك مب متساويات ياخوي … إذا شفت لك كمن واحد من الاخوان غارتنهم الدنيا والا مغررين بهم ربعهم .. فتأكد ان مب الكل بهالصورة .. و بالتوعية بينا وبين بعضنا وانا نبتدي بعمارنا واللي ويانا وان شاء الله تنلغي هالظاهرة

   أجمل تحية من أخيك

Comments are closed.