لسلام عليكم ورحمه الله وبركاته شباب حاب احذر من مطاعم الي جبل قاسيون ترى نصابين رقم واحد
لانه صار عندي موقف معاهم قبل اسبوعين . شربت معاهم 2 قهوه قالي الحساب 3200 ليره 
يوم قلته
ليش قالي حساب الطاوله 1000 والماء تخيلو 500 والمحارم 500 والقهوه 1200 قلته ليش هالنصب
علينا لانه خليجين انتو فاكرين كل واحد عنده بير نفط ولاشو. قالي براعيك بخليهم 3000 قلته انت مو صاحي
وعطيته 2000 ورحت . وحاب الشباب والعائلات بالاخص يتحذرو وايد اول اطلبو منهم المنيو اذا عندعهم منيو .
واحذرو من الشرطي بعد بييك وبقلك انت خالفت وانت مو خالف بقلك انك تتكلم بتيلفون وانت ماتكلمت اصلن لان
وقفني الشرطي وقالي انت مخالف وتتكلم بالتيلفون وانا اصلن مامسكت التيلفون عشان البخشيش لاكني هددته ان
خالفني بشتكي عليه بالسفاره ووزاره السياحه قالي بس ماخالفك لانك ضيف
3200 ليرة يعني 255 درهم
خيبه تخيبهم صدق نصابين عيني عينك…لو شارب في برج العرب جان طلع عليك ارخص
انا مطلع من راسي شي اسمه سفر لدول عربية…على فكرة عندي ربيعي سوري..نفس الشي يوم سار سوريا حرقوه حرق بالاسعار….مجرد ما يعرفون انك ياي من خليج كل شي يستوي سعره دبل وثلاث واربع اضعاف…سواء خليجي او سوري ياي من الخليج..
بسافر سوريا او مصر بشرط اذا كان مخاويني عميد او لواء في شرطة من عندهم..غير هذا خلنا على دول شرق اسيا واوروبا ابرك لنا مليون مره…
من الاخر سوريا اذا ماعندك واحد واصل في الشرطه او المخابارات لاتسيرون
صح كلامك ياخوي رحال .
من الاخر سوريا اذا ماعندك واحد واصل في الشرطه او المخابارات لاتسيرون
اخواني اولا الدول العربيه معروفين بالنصب والاحتيال
ثاني شي بتكون مراقب لاي غلطه تسويها
ثالث شي كنت راجع من فتره من مصر وجلست فالمقهى اشرب قهوه وكان جالس على الطاوله الثانيه واحد مجنون ومعروف عندنا ومتقاعد لهذا السبب سالني وينك من فتره ماشفناك؟؟؟؟؟ قلت له رحت مصر!!!!! قالي اسمع مني لاتروح اي دوله في العالم اهلها يتكلمو عربي او يفهمو يتكلمو لغتنا!!!!!!!!! انصدمت من كلامه بس رجعت للمثل اللي يقول خذ الحكمه من افواه المجانين واللي يبا يسافر يدور له دوله من هالدول المرتبه او يروح اوروبا واللي بتخسره في اوروبا راح ياخذونه منك بقشيش في الدول العربيه!!!!!!! يعني نفس المصاريف اللي راح تخسرها في زياره دوله اوروبيه او عربيه!!!!
هيه انا ربيعتي سوريه ومن زمان ما نزلت هناك ، راحت الجبل وقعدت على الطاوله وحاسبوها شراتك نسيت كم طلع عليها بس مدفعينها مبلغ عود على الطاوله بس ، استغربت وايد بعدين خذت وعطت وطلع انه عشان هي لابسه عبايه افتكروها خليجيه ، ونفس الشي لما راحت الصالون دبلو عليها 5 اضعاف وهم يعروف انها سوريه لان خواتها متعاملين معاهم لكن بس عشان راحت الخليج عرفوا ان وراها بيزات ،،
الله يهديهم !!! الله يهديهم بس!