السلام عليكم ورحمة الله وبركاته كيف الحال
شباب ابغي اتاجر شراتكم ابغي ابيع تلفزيونات وتلفونات وعطورات وسوع شراتكم ياغير ماعرف من وين تاخذونهن خبروني عسب ابيع وياكم كيف تطلبونهن في ناس تخبرناهم الله يستر عليهم قالو لي فالك طيب وخلاف مايردون على التلفون
اخويه——– اتمنى لك التوفيق
امشالله الشباب ما بيقصرون وياك عندك روح الرميثات وحربي وراك س ل والشباب الباقين تخبرهم وما بيقصرون وياك
والله يوفقك
الله يوفقك ان شاء الله وتحصل الي فيه الخير
اخوي
بالبداية حاول تبدأ بالشباب ربعك
اللي عنده تلفون ويبا يبيعه وجيه قوله بكم تباه وانت حاول تنزله كثر كا تقدر وعقب تنزل موضوع مدعوم بالصور عن نوع التلفون او التلفزيون او اي بضاعه ثانيه
يعني انت ابدأ من عند ربعك وعقب تطور شوي شوي وبعدين صعب ان احد يساعدك ويعلمك اسرار مهنته وتجارته
بعد خذ لك فه بالمنتديات والمواقع التجارية وشوف البضاعه اللي يعرضونها وبتحصل فرص حلوه . عادي تحصل واحد محتاي يبا يبيع شغله معينه بسرعه ومحتاي بيزات ومنقص من جيمة البضاعة فتشتريها انت وتبيعها بسعر اعلى شوي بس لا تطمع وتطلب سعر خيالي
انصحك ياخوي بالبيع الكثير والربح القليل
وبالتوفيق ان شاء الله