السلام عليكم
البارحه في الكرامه أبوظبي
شفت أثنين من الشباب اعمارهم تقريبا 18 الى 20 سنة
واحد لابس غلابية او كندورة شانيل والثاني لويس فيتون
وقفت قريب منهم ونزلت زجاج السياره واشوفهم وظحكت
وكلمتهم لنتم رجاجيل ولا شوه مب عيب عليكم لابسين هذا البس
وتصدقون ولا واحد رد علي واقفين ويطالعون ولا بعد واحد منهم انتبهتله
حاط بودره على وجهة ………….
يعني بالله عليكم ماعندهم هل ماعندهم رجاجيل يسنعونهم ويعلمونهم المراجل
ولله حرام شباب بها العمر يروحون فيها
ولله قهر
ابغي اعرف شو الحلاوه لي في هالبيجامه عفوا الكندوره ولا الستايل اليديد هذا….حتى المواتر ملبسينهم lv وبربري وفندي وغيره , والله حرام لي يسوونه لكن الحمدلله والشكر ع نعمة العقل…
يبالهم رياييل يربونهم عدل
آخر زمــن
اللهم لا شماته والله يهديهم
اللهم لا شماته
________________
أتصدق
كنت بصورهم بس قلت أخاف أدخل في متاهات معاهم وانا في غني عنها
أخبر واحد من أصدقائي ظابط في الشرطة عن السالفة
تعرفون شو قالي
قالي لو يشتكي عليك انك غلطت علية تروح فيها