شباب حجزت من فترة X5
من أبوظبي موتورز ودفعت مبلغ وقدره
5000 درهم مقدم ، ونظرا لأني اشتريت أرض

ما قدرت أدفع مقدم المبلغ للبنك
لأنه كان 80 ألف

{ قلت أشتري الأرض أحسن }

وبغيت أسترجع 5000 المقدم إلي دفعته
مب طايعين ..

قالولي إما تشتر سيارة ثانية
أو راحت 5000 عليك

منو بيساعدني مع أبوظبي موتورز
على استرجاع المبلغ

ولكم جزيل الشكر

14 thoughts on “شباب مشورة مع مشكلتي مع أبوظبي موتورز”

  2. سلام عليك اخوي

    اتصل بوزارة الاقتصاد … واستشيرهم في السالفة

    مره ربيعي شركة التأمين قالولوه ما بنصلح وكاله وخرابيطهم اتصل وسنعوهم

    والا اعرض في المنتدى عن السيارة اللي طالبنها ومواصفاتها ومتى بتوصل يمكن حد من الشباب اذا يبا نفس المواصفات ياخذها ولا بعد بفايده 5000 فوقها لنه ماشي سيايير والشباب ايدورون

    وسلامك

  3. عزيزي الحين فرضا انا عندي شركة كمبيوترات
    وانت طلبت مني 10 كمبيوترات بمواصفات قوية..
    وهذي المواصفات ما عندي وانا عشان اوفرها لازم اشتريها من الوكيل او من الخارج..

    فانا عشان اباشر واتاكد من مصداقيتك في الشراء بطلب منك عربون ,
    وتخيل انا شريت الكمبيوترات من حساب الشركة الخاصة بي ..
    واخرتها انت قلتلي خلاص مابي الكمبيوترات واباك ترجعلي فلوسي ..

    (( والكمبيوترات شو اسوي فيهن فرضا لو محد خذاهن))
    يمكن يبغيلي وقت لين ما ابيعهن ..

    والمعروف انه العربون ما تستقدر تسترجعه الا بالتراضي واذا صاحب الحق ما كان عنده اي مانع

    عموما الله يوفجك ويسهل امورك
    والسموحة

  4. حسب علمي. إن هذا مجرد عرف بين التجار.
    بس القانون ما يقره. يعني إنته من حقك إنك تسترد مبلغ العربون في أي وقت.
    أنا أشوف إنك تكلم حمايت المستهلك و تستشيرهم في الموضوع.

    الله يوفقك.

  5. هذا قانون السوق يالغالي ، أي مكان تدفع ( عربون ) يعني مبلغ غير قابل للإرجاع،،،،
    إلا إذا تساهلوا معاك !

    الله يعينك

Comments are closed.