شباب حجزت من فترة X5
من أبوظبي موتورز ودفعت مبلغ وقدره
5000 درهم مقدم ، ونظرا لأني اشتريت أرض

ما قدرت أدفع مقدم المبلغ للبنك
لأنه كان 80 ألف

{ قلت أشتري الأرض أحسن }

وبغيت أسترجع 5000 المقدم إلي دفعته
مب طايعين ..

قالولي إما تشتر سيارة ثانية
أو راحت 5000 عليك

منو بيساعدني مع أبوظبي موتورز
على استرجاع المبلغ

ولكم جزيل الشكر

14 thoughts on “شباب مشورة مع مشكلتي مع أبوظبي موتورز

  1. على العموم ما قصرتوا يا الربع والله يحفظكم
    وأنا عاد باخذ بمشورة البعض والله كريم..
    خاصة إنه الأخ عمار خبرني إنه أروح للمدير العام في أم النار وبيخلص أمورك .. إن شاء الله خير

  2. اخي الكريم مثل ما اشارو بعض الاخوان هنا

    المبلغ المدفوع وهو 5000 درهم هذا عربون واعراب كلمة عربون هو انك وافقت على شراء السيارة والعربون مقدم من قيمة السيارة

    يعني وضوع طبيعي انهم ما يرجعون الفلوس

    اما اذا بتشوف لك واسطة في الشركة يمكن يصير فيها سؤال وجواب والله يوفقك يا أخي




  3. سلام عليك اخوي

    اتصل بوزارة الاقتصاد … واستشيرهم في السالفة

    مره ربيعي شركة التأمين قالولوه ما بنصلح وكاله وخرابيطهم اتصل وسنعوهم

    والا اعرض في المنتدى عن السيارة اللي طالبنها ومواصفاتها ومتى بتوصل يمكن حد من الشباب اذا يبا نفس المواصفات ياخذها ولا بعد بفايده 5000 فوقها لنه ماشي سيايير والشباب ايدورون

    وسلامك



    هذا افضل الحلول .. والله يعينك يالطيب

  4. بعدك ما شفت شي جرب تحط عربون عند برمير موتورز الطاير !!!

    تستلم السياره !!! والبنك يدفع لهم المبلغ كامل !!

    و العربون ياخذ 3 اشهر و 50 اتصال عشان يرجعون لك العربون جنه تطلب منهم !!!

Comments are closed.