السلام عليكم…….. شباب بغيت رايكم و شوتشوفون احسن بين المازاراتي جران تورسمو اس و البانميرا اس……ومشكورين

9 thoughts on “شباب Maserati Granturismo ولا Porsche Panamera S”

  2. Porche Panemera S أحسن لك عن المزراتي لانه سعره فيه ومعروف اكثر وشعبيته كبيره
    الخيار طبعا لك اولا وأخيرا بس البورش ديكوره الداخلي وشكله من برع ما عليه كلام
    مجرد رأي
    موفق بإذن الله … لك مني أجمل تحية .

  3. المازيراتي جراند تورزيمو اس.. موتر للويك اند بس وصوته طررررر .. بس إذا بناخذه خذه مستعمل .. لانه عادي تحصله ماشي 20 الف وبسعر خيالي .. يعني 380 الف مثلن .. وهوه فالوكاله ب 650 الف .. هالموتر سعره يطيح بسرعه مب نفس البورش بانيميرا .. وبيعته صعبه على فكره .. بس بتكون مميز وصوتها روعه وشكلها طرر

    أما إذا انته تبا موتر تستخدمه بشكل تقريبا يومي .. خذلك بورش بانميرا .. وعلى فكره البنميرا هالفتره سعره مايطيح

  4. السلام عليكم اخوي

    اكيد بانيمارا اس أول شي أخوي الموتر يديد نازل من سنه تقريبا و ثاني شي شكله احلى بوايد من المازيراتي و ثالث شي

    مواصفات اكثر من المازيراتي و لاتنسى انه البورش له شعبيه و الموتر مطلوب لو ببغيت تبيعه و رابع شي البورش تقدر تعدل اكثر

    من المازيراتي من ناحية البدي كيت و سيستم جزوز يعني اخوي توكل على البانيمارا اس و الله يوفقك

  5. وعليكم السلام ورحمة الله وبركاته

    تبا موتر اساسي ومكده خذلك بورش لان البورش معروف بقل خراباته وانا جربته كان عندي 911 توربو وكل يومين و 3 اضربه خط وكنت اجيكه برع الوكاله وماكان يشكي من شي

    المازاراتي كموتر ثاني وللويك اند بينفعك بس الموديلات الجديمه كان فيها مشاكل واكيد صلحوهن وان يت تبيعه ما تلقى له شراي وهب مرغوب وايد لكنه ( مميز ) في الشارع وفي كل مكان صيانته غاليه شوي بس دام بتاخذه ويا الكونتراكت ماعليك باس وصوته يطرربك

    اجرلك باناميرا يوم والمازاراتي يوم وشوف اللي يعيبك ولا سير الوكاله وشوفه

Comments are closed.