نبي نسيّر لا صفا البال والجو
ونطلع من حدود البلد والمدينه
ونبي نجيب الرمث وانشب هالضو
واندسم الشارب بذبح السمينه
البال لا من ضاق يا صاحبي سو
فنجال يبري كل هم وغبينه
من كيس شيخ ٍ ما حسب كيف او لو
ينفض شليله للرجال الفطينه
اشتاق لايام ٍ بها الخير والنو
وشوف الربيع اللي تبشّر اسنينه
لا باس وان بعض العرب يمّنا جو
يا مرحبا والكل يبسط يمينه
مكشات لا من زان هالجو احلو
ما فيه نفس ٍ مثخنه او حزينه
بعض الرجال اتشوف وجهه تقل بو
عوذه وإآذانه لواقط سفينه
وناس ٍ تريد اتسير شعّار بالقو
وتنومك بالمغنطيس ورنينه
وناس ٍ تلج القوم لو يسمعوا عو
متحضرين وماكلين العجينه
ياخي متى صار الصدق ينقلب سو
الا بعد نبش القبور الدفينه
خليني اسكت ما ابي احرق الجو
انتا وانا عالخط وسط الكبينه
ابيات من شاعر وهو قالها تو
ما هيب تزها أي حاجه بعينه
صح السانك الشايش ،
وحبيت اضيف عليها
ودي بجلسه فوق عرقوب
ممطور وتهبه الهبايب
وانته معي ونقصر الدوب
وقت المسا والجو طايب
جلسه بها راحات لقلوب
فيها اللطافه والعتايب
انته الذي للقلب مطلوب
والقلب يحسب لك حسايب
شوفك بصوب وغيرك بصوب
وللغير ما عندي رغايب
البست ثوب الغي مجلوب
قول لابن يدعوه صايب
باسباب حبك صرت مصيوب
والقلب شليته نهايب
ولا غيركم يا زين محبوب
وعن حب حبك هوب تايب
لو يعذلوني عنك ما توب
أهلي وقراب ونسايب
عسى ان لي في الحظ مكتوب
أحظى بلقاكم يا الحبايب
للأمانه ملطوشه
..
صح لسانكّ..
صح سانك
لا فض فوك
لا هنت قلبي زجاج
يسعدني مروركم
كلماات راااااائعه يااخوي الشايش ..
تبهرنا كل يوم ..
و كل يوم انتظر قصيده يديدة