شراء الشيولات؟؟

11 thoughts on “شراء الشيولات؟؟”

1. مرحبة والله
   اختي عليج بالكسارات عقود طويلة يمكن ايجار اقل من السوق بشوي صيانة ديزل قطع غيار عليهم وراحة بال

2. شغل المعدات في دبي هالايام والشارقه بعد والبلاد مقبله على طفره عمرانيه
   وبخصوص تاجير المعدات وسرقة توايرها يمكن يحصل اثناء التاجير على افراد والله اعلم
   بس هذي الامور تحكمها عقود
   وطبعا من ضمن البنود استرداد المعده مثل ما سلمت للشركه المستاجره ويكون التسليم على الفحص

   بالتوفيق انشالله

3. انا مادري لكن انتي شكلج ابنيه واسمحيلي على هذا الشي
   اذا انتي بنية فتراج مابتقدرين على هذا الشي لان نحن الرياييل صراحة وايد صعبة علينا المور لانها تريد متابعة دقيقة للغاية

   اقولج ابسط الامور
   عند تبديل تواير مثلا اذا كان عندج شاحنة او شيول اول شي يسويه الدريول يروح لاقرب بنشرجي ويبيع التواير الجديديه ويحط مستعمل ونفس الشي اذا ختي سيارة جديده يستبدلون كل قطع الغيار الجديده باخرى مستعملة وهلم جرا كل يوم المعده مختربة لا تبى تواير لا الديزل مايكفي حتى الديزل يوم يعبونه يحط نص والباقي ياخذ فيه فاتور ويتقاسمه مع راعي الشيشه

   يعني صداااااااااااااااااااااااااااااااع

   والسموحه

4. هلا اخوي مستثمر ظبياني

   تسلم على ردك

   انا في العين

   عسا الامور طيبه ؟؟؟

5. السلام عليكم

   اول شي انا شغال في هذا المجال

   لكن وين تبين اتشغلين هاي الشيولات اي امارة لاني في ابوظبي واعرف عن ابوظبي اما باقي الامارات فانا اترك المجال لزملائي للبت فيه

   على العموم في ابوظبي اليوم المجال نايم لا ونايم على الاخر اذابتمرين مصفح بتشوفي المعدات طايحة على افا من يشيل لان مافي شغل واذا قدمتي في الحكومة ترى بالدور ولين ايك الدور قد عفنت المعده
   هذا اللي انا عايشنه هني

   وشكرا

Comments are closed.