السلام عليكم و رحمة الله
بغييت اخذ رايكم
شو الاحسن ؟؟ لو مثلا عندك 300 الف درهم
تشتري فيهم اراضي و ترجع تبيعهم
ولا انك تفتح فييه مشروع تجاري
المعروف انه الاراضي دايما ترتفع و المشروع التجاري فيه شوية مخاطر و لازم تحصل الفكره المناسبه
يعني انتوا شو راح تختارون ؟؟
هل تجارة الاراضي مضمونه ؟؟ خاصة الحين الدوله تمر في فترة ارتفاع في سوق العقارات
انا مثلا امفكر اشتري اراضي في ام القيوين..الارض تقريبا على 100 الف..تدرون ام القيوين تمر حاليا في فترة تطور و عندهم مشروع كبيييييييييييير راح اعمار تنجزه بمبلغ 40 مليار اعتقد
يعني اعتقد مستقبل الاراضي اهناك..انا شخصيا متشجع لشراء اراضي في ام القيوين..
خبروني رايكم اذا الفكره حلوه ولا استغل البيزات في مشروع تجاري احسن..؟؟
اخواني فارس الامارات و قوافي
مشكوريين على الرد الجمييل
و فعلا انا متحمس للارض اكثر
خاصة اراضي ام القيوين لانها مقبله على مشارييع استثماريه قويه
اعرف وايد ناس متجهيين لشراء اراضي هناك
مثل ماذكرت اخي الكريم
أراضي امارة ام القيوين حاليا تقدر تشتريها رخيصه…
بس بعد كم سنه بيطييير السعر فوووق.. :sahem1:
خصوصا ان الاماره حاليا تدرس العديد من المشاريع المستقبليه…
عن نفسي انصحك على الاقل بشراء ولو ارض واحده …يعني استغل امية الف……
وربي يبارك لك……
السلام عليك أخوي
كيف الحال ؟
بالصراحة قطعة الأرض ممتازة من نواحي
يعني اذا الشخص ما له خص في المشاريع هناك خطورة كبيرة عليه
اما في الارض فمعروف انه سعر الاراضي في ازدياد
و من أأمن أنواع الأستثمار على الاطلاق
اذا قدرت تحصل قطعة أرض ب ١٠٠ الف و احسنت اختيار المكان بعد ٥ سنوات بتحصل سعرها لا يقل عن ٥٠٠ الف على أسؤ أحتمال
وممكن أنت تستثمرها بنفسك
أما بالنسبة للمشاريع في منها ممتاز و شي شين
و كذلك الأيدي العاملة
بس اذا عندك طريقة ممكن تمشى بها مشروعك يعني ممكن تحصل على زبون و على مشاريع فهذا شي ثاني
والسموحة