مخترع التوربو هو الفريد بوكي سنة 1905
وكانوا قبل يستخدمونها في كافة الموديلات لان السيارات قبل محركاتها ضعيفة وكانوا يركبون الشاحن
التوربيني الي هو التوربو عشان يزيدون من عزم المحرك والتوربو مثلا يزيدلك من قوة محرك سعته 2.0
( اربع سلندر ) يزيدة الى قوة محرك 2.5 أو 3.0 ( سته سلندر ) وتركيب التوربو على محرك 2.0 يكون
افضل من 3.0 لانه يعطيك العزم في خلال ثواني اما الـ 3.0 يعطيك العزم بعد مسافه يعني حق خطوط
والحين نبدأ وياكم شو يسوي التوربو او كيف يعمل التوربو او الشاحن التوربيني يعمل بتجميع الغازات
المحترقه الي ظاهره من المحرك وتجميعها داخل التوربو ويكون داخل التوربو مراوح فيها شفرات وبهذا تدور
الشفرات داخل التوربو حسب زيادة الغازات الي ظاهره من المكينه يعني
( حسب ما السايق يظغط على دواسة السرعه ) وفي الجزء الثاني من التوربو في عمود متصل مع الجزء
الاول الي فيه الشفرات الي تدور وفي الجزء الثاني بعد هناك شفرات لاكن شفرات تضغط الهوا وتضخه
للمحرك والهوا المضغوط يقوم بدوره ويضغط على السلندرات ويزيد من ادخال الهوا والوقود للمحرك وبهذا
تزيد قوه وعزم المكينه وطبعا هذا قبل اما الحين فتطور التوربو واصبح اخف وزنا والشفرات اصغر بكثير
والمسافه بين الشفره والشفره قريبه بحيث تعطي النعومه في الحركه والدوران وزادو في التوربو عدة
اشياء مثل المبدل الحراري هذا لما يمر فيه الهوا يكون حار فيعمل المبدل الحراري بتبريده نفس الانتر كولر
وطبعا قوه الضغط يتوقف على حجم التوربو وعلى كم ملي بار مفتوح
ملاحظه الملي بار او البار
هو مقياس للضغط
شكرا جزيلا
وبالتوفيج في المواضيع القادمة
مشكور اخوي ع صوره
تسلم ياوي وماقصرت والعفوا
هذا من طيبك ياخوي وحياك الله ياخوي ^_^
العفوا ياخوي والحين والحمدالله كل البنات عنده سياير
ويسابق بعد ماشاء الله البنات قامو يدخلون في كل شي
وترا البنات في عصر الجاهليه كانو يشتغلون ويحربون والحمدالله ماراح يصعب عليهم شي
ومشكور ياخوي علي صور للتضيح واتمنى للكل الفايده وبارك الله فيك وحياك الله ياخوي
الله يسلمك ياخوي وانا وحده مش واحد
ويامرحبابك ياخوي واتمنى الفايده ^_^