السلام عليكم..
اعتقد الكثير منكم لاحظوا في الفترة الاخيرة كثرة المخالفات الغيابية اللي تخص “عدم ربط حزام الامان”.
تدرون قانونا لا يجوز تحرير مخالفة حزام الامان غيابيا؟ حسب قوانين المرور الصادرة من وزارة الداخلية واللي تشمل كل ادارات المرور
ادخلوا موقع شرطة دبي وشوفوا نوع مخالفة رقم 27
27-عدم ربط حزام الأمان أثناء القيادة 400 حضوري4
القيادة العامة لشرطة دبي
والدليل الثاني المطوية الموزعة من شرطة دبي وهيئة الطرق 
واي تغيير في القانون يجب ان يكون كتابيا وينشر في الصحف حسب ما هو متعارف واخوانا القانونيين يقدرون يأكدون لكم هالشي.
لكن للاسف كثير من المسؤولين تعودوا باصدار اوامر شفيه بدون اي سند قانوني والافراد على نياتهم يطبقونها على انها قوانين…..والاوامر الشفهيه في امور تحصيل الرسوم والغرامات بدون ادنى شك تعتبر غير قانونية.
انا عن نفسي بسير اقدم اعتراض باسترجاع كل المبالغ اللي دفعتهن لمخالفات حزام الامان المحررة غيابيا.
اذا مادفعت المخالفه عادي وخاصه الحزام
انته عندك جمس والفرش بيج كل شرطي بيخافك اذا كانت الكندوره بيج او صفرا انا متخالف 5مخالفات في يوم واحد والسبب انه الجمس حزامه في الكرسي بعكس اليباني
شليت الكندوره ووديته الهم شل الضابط المخالفه في نفس الوقت وقلتله سو كتاب خلهم يصرفون كحل اثمد حق الدوريات و الشرطي المندس ورا العمود
اسمحيلي يا ماما انيسه .. في دبي تحديداً عادي تنلغى اذا كانت الغلطه من الشرطي
قبل شهرين ألغيت مخالفه >> و بالتلفون بعد
ماظن بيرجعون فلوسك .. انا مره خالفوني ع الحزام فبوظبي فشارع شاطىء الراحه .. كانو اثنين فالدورية .. و ثنيناتهم مب رابطين
الحزام .. و المشكله اللي يالس ع اليمين حاط ريله ع الطبلون و قسم بالله و الله على ما اقول شهيد .. لكن شو بتقول .. و انا
ما انتبهت الا بعد ما تخالفت و راح راعي الدورية .. من يومها و انا اربط الحزام و شال المخفي .. البارحه وقفوني فتفتيش ع بحر
الشارجه لكن ما مسك علي شي .. لا مخي ولا تزويد ولا تعديل ولا غيره و رابط الحزام .. علامات القهر باينه عليه و انا رحت
و انا اضحك
فعلن اخويه انا صارت وياي شخصيا لو وقفتك الدوريه وعطوك مخالفه بتكون حضوريه وعليها نقاط ااما في حال ماوقفوك وخالفوك غيابي بدون نقاط ..
أي مخالفات تقصد ؟
يوم كانوا يخالفونك الصبح عند الممزر؟
بصراحه، عندهم حق، و أنا شاهد عليك. خخخ
إنته ما خلّيت حد إلا و خبّرته إنك ما كنت تربط الحزام، و لازلت ما تربطه.
حتى بالعلامه، إنته حطّيت عـ الموتر مخفي عسب ما يخالفونك.