وعساه ينعاد عليكم كل سنة وكل حول
الموهيييم انا توني راجع من مطار الشارجه الدولي وكنت موصل شخص المطار
وكان اوقف فوق هب فالباركنات اللي تحت وماكان في زحمه وكان في سيارات
قبلي موقفه الموهييم نزلت وودعت الريال وسلمت عليه ولفيت خذت لي كابشتينو
قصدي كابتشينو وانا راجع للسياره شفت مخالفه على اول سياره قلت استوت
وكان اشوف ثاني سياره ماعليها مخالفه ارتحت شوي ويوم وصلت السياره الا اشوف
مخالفه يا هذه مشاكل … االموهيم القهر مب لفلوس القهر انه مخالفين سيارات وسيارات
لاا ليش شو السبب في ناس قبلي موقفين ولا خالفوهم ليش يعني اختاروا كمن سياره
وخالفوهم حتى فالمخالفات تفرقه ليش يعني السيارات الباجيه ماخالفوهم اتعرفون السبب
انا الصراحه ماعرفت السبب اتريا مشاركتكم واعطوني اذا عندكم امثله على نفس هالحركه
وبعدين تعالوا ليش المنتدى هادي كانه يمر في مرحلة سبات خطير صح انه الشتا دخل علينا
لكن اتمنى مشاركتكم وتفاعلكم والله وياكم هذربت وايد
هههههههههههههههههههههه
يمكن يا بوسعود
أخوي البروفيسور : إذا كانت سيارتك مثل ما قال بوسعود فـ كل ما ذكر أعلاه لا ينطبق علييييييييك !!!
يمكن عندك كرولا سكان يمين … أو سيارتك ما تودي …
بما ان السيايير مالهن خص باللي قلتهن
معناته أصحابها ماخذين إذن من الضابط المناوب في المطار
حالة إنسانية يمكن ( إعاقة ، مرض ، أي حالة خاصة أخرى )
أموووووووت و أعرف هالكابوتشينو كيف يسوّونه ,,
الكابشتينو قصدك خخخخخخ يا خويه انا شفت السيايير مالهن خص باللي قلتهن
بس ماعرف شو السبب ماتخالفوا انا ماهمني لفلوس والله بس قهر ليش سيايير
تتخالف وسيايير لا الموهيييم تعال اجرب اذا تبا كابشتينو
السلام عليكم و رحمة الله و بركاته
السيارات اللي ما اتخالفت أخي الكريم تتبع لجهات حكومية و خدمية .. مثل سيارات الأمن و السلامة + سيارات المباحث الجنائية + السيارات التابعة للسجون + دائرة الهجرة و الجوازات و السيارات اللي تتبع لبعض السفارات / و طبعاً هذي السيارات مدنية و صعب انك تقدر تفرق بينها و بين أي سيارة عادية
تعال خبّرني : شو رايك في الكابوتشينو ؟!
أكييييييييييييد رهيب صح !؟