:::: شركات التوصيل تشوه سمعتكم يالتجار :::

39 thoughts on “:::: شركات التوصيل تشوه سمعتكم يالتجار :::”

1. انا اعاني بعد من نفس المشكلة

   انا اتعامل مع شركة ايليت

   في شهر رمضان توصيلهم كان للاسف ,,,,,,,,,ما اابغي اسب الله يغربل ابليسهم يرقدون العصر والساعة 12 يوصلون طلبيات الناس والناس نايمة

   انا فقدت زباين وزبووونات ولكن

   مب قادر اتخلى عن هاي الشركة ولاني مب محصل شركة احسن عنها ولو بدرجة وحدة فقط

   ولو وقفت تعاملي مع كل الشركات التعبانه شغلي بيووووقف ومابنلحق ع المصاريف

2. يعني المصري يوم اييك ايقولك التوصيل 30 درهم بس انا بديتك انت اول واحد و يااي من منطقه بعيده عشانك و و و و عاوزك تشجعني …. هذي حلووووهـ .. حسسني آنهـ لاعب في المنتخبـ ..هههههه “ شر البليهـ مـآيضحكـ “
   .
   .
   يــآخوي والله هذيل لاعبين لعبهـ .. ونحن مجبورين فيهـآآ .. تدري والله قمت ابتعد عن اي طلبيه خارج بوظبي .. لانه ماتوصلك بضاعتك الا عقب مذله .. تقول معطينك بلاش هب دافع فيها .. مستعد انا اسير واستلم طلبيتي ولا مذلهـ هالشركـآتــ .. .
   .
   .
   بس يـــآريت الاخـــوآن لي مجربين شــركــآت ملتزمهـ وتوصل الطبيـآتـ في وقت محدد .. آنه نذكرهـآ ونتعامل معاها عشـآن يعرفون آنه الله حق .. ~
   .
   .
   وتسلم آخوي ع الموضوع المهم والي نعاني منه وآآآآآآآآآآآآآآآيد .. والسبب هالشركـآتــ ..~

3. موضوع جميل وحلو وساحه للنقاش
   سلمت يمناك يا اخوي ( نوط _ بو خمس)

   كل شركة ولها عيوبها ومميزاتها
   وكل شركة عندها مدير على المندوبين وتتقبل الشكاوي ( نحن نظن في أغلب الاوقات انه ها الشكاوي ما لها معنى بس انا اقولكم لا خاصه في هاي الشركات الخاصه )
   كيف ؟؟!!

   كل مندوب يوم يستلم البضاعه من المركز الرئيسي ويروح يوزعها تكون له نسخة من الورقة الي مكتوب فيها العنوان عسب يسجل فيها انه استلم هذا الشخص
   لكن في بعض الاحيان يزداد عليهم الشغل وما يقدورن يوصلونها وما يقدرون يرجعونها للمركز الرئيسي بدون سبب فيكتبون في الورقة انه لم يتم الرد ويريحون بالهم ………

   وهذه إحدى الاسباب في سوء الخدمة والمعامله
   من وجهة نظري

   ولكم مني جزيل الشكر

   الحكيـــــــــــــــــــــــــــم

   http://www.alhakem-hut.com

   
   

4. أخواني الكرام انا بصراحة جربت كل شركات الشحن تقريبا وهي كالتالي :

   1 – الامبوست
   2- الأرامكس
   3- هوت لاين
   4- دبي كورير
   5-أيليت

   كلهم ولا يسوون بصراحة وخسارة فيهم … وكنت ساير الدوام الصبح لفت نظري شركة فيدكس وشليت الرقم من السيارة وعقب شوي اتصلت عليهم ونا متصل فيهم الساع 6 ونص الصبح شل التلفون ورحب فيني وقلت له ابا احجز موعد قال متى تبى يمر عليك قلت له الساع 8 قال اوكي من 8 لين 9 يناسبك قلت له هيه انا بصراحة قلت انا بحجز بدري عسب يوم يتاخر يكون عندي وقت تصدقوا الساع 8 وخمس دقايق اتصل فيني المندوب وقال لي بعد 10 دقايق بكون عندك ومن يومها وانا اتعامل معاهم وصار لي تقريبا الحين شهرين ماشياحسن عنهم …. وفاتحين 24 ساعة وهذا يكفي .

   شركة فيدكس شركة عالمية وأسعارها معقولة بس المشكلة ماشي عندهم استلم وسلم والا بعطيها 20 من 20 .

   جربوا وبتشوفون الفرق .

   الحربي
   و شو أسعارهم و ممكن اطرشلنا رقم تاليفونهم؟

   صراحه أنا أواجه مشكله أصعب لأني أتاجر بمواد غذائيه (حلويات) و اذا ما وصلت في الوقت المطلوب ممكن انه تخرب او انه يخرب الديكور اللي عليها
   و بعض الأحيان اللي يوصل الطلبيه نتيجة تأخيره و عدم استدلاله على العنوان يروح الزبون او الزبنه تلغي الطلبيه و يزعلون مني انا و طبعا المحقوق أنا و يطلع على معاملتي سمعه ماهي بزينه

   ف والله اعتقد انه هذا الموضوع من اهم المواضيع واللي عنده خبره و طريقه يدلنا عليها

5. اقولكم يا اخوان شي ايعل القلب

Comments are closed.