السلام عليكم و الرحمه …
اخواني التجار …
انتوا اتعرضون بضاعتكم فالمنتدى و اتعبون عماركم فالعرض و الرد و الاتفاق و كل شي بس صدقوني يوم ني حق التوصيل …
و الله انهم ايذلونا ذلللل جنهم بيوصلولنا ايهن ببلاش …
يعني لا مواعيد لا التزام و لا حتى احترام للزبون ..
انا بقولكم سالفه استوتلي … سالفه إلا سوالف ..
المهم ::
الاخت غلا العمر و الاخت ام خليفه اتفقت و ياهن في تقريبا 25 رمضان على بضاعه و الاخوات بالصدفه اختارن شركه ( هوت لاين )
المهم بضاعه الاخت غلا العمر استلمتها السبت اللي طاف بعد مذله من انا ما اروم اييك انت تعال و جيه …
يعني المندوب مال الشركه قالي ويين قلت له تعالي العين .. المهم بعد 3 ايام و انا اترياه قالي انا ما اروم اييك فالمنطقه اللي قلت لي اياها معنها تبعد 6 كيلو عن السوق المهم ييته و نقعني بعد نص ساعه و يوم خذت الطلبيه لقيت الاخت غلا العمر مب مقصر كاتبه ملاحظه :: الرجاء التسليم قبل العيد
لكن لا حياه لمن تنادي …
و سالفه الاخت ام خليفه … اتفقت وياها قبل العيد بأسبوع على كميه عود .. قلت بندخنبه فالعيد …
و و الله لين يومكم ما وصلني شي ….
الشركه تتصلبي و اتحدد موعد و جييه و نتفق و افضي عمري و المندوب ما ايي ..
اقولكم 4 مرات انحدد موعد و و الله ما ايي .. هييه و مره سوالي مس كول الساعه 12 فلييل !!!!!!!!
و طبعا اخوكم دوامه الساعه 6 يعني لازم انش 5 منو بيتمله واعي الساعه 12 فلييل ؟؟!!
المهم يوم بالباجر دقييت له رد و قلت له جي جي جي .. قالي : و الله انا سويت لك تليفون و انت مار رديت و قلت له انت داقلي الساعه 12 قالي خلاص راحت عليك
ليش الحبييب اييبلي الطلبيه ببلاش ..
يعني جيه يا اخواني انتوا ما اتقصرون لكن الشركات هييه اللي اتشوه سمعتكم
المهم ما بطول عليكم انا بحطلكم لسته بأسامي الشركات اللي اشوفهن تكرموون زباله ::
1- شركه هوت لاين
2- شركه إيليت
3- ارامكس ( من حيث السعر ) التوصيله ب 70 و 100 ( على شو مادري ) جنه يايلي اياها فطياره و انا ما اعرف
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
و على الجانب الثاني في شركات و النعم مادري شو اساميهن بس تقدرون تسألون الخوات :: سحاب الامارات ،،،،،،،،، ام بدر
لأن الشركات اللي طرشو البضاعه فيهن ::
1- إلتزام فالموعد
2- إحترام للزبون
3- المندوبين هنوود مب عرب يعني المصري يوم اييك ايقولك التوصيل 30 درهم بس انا بديتك انت اول واحد و يااي من منطقه بعيده عشانك و و و و عاوزك تشجعني …. شوفو النغزه انتو
و السموحه:
واتريا ردت فعلكم
انا جربت شركة هوت لاين مع اني اخبرهم انه الاستلام ثاني يوم بس المستلم يستلمهم عقب ما اتصل اكثر من مره مع المسؤول
حاليا انا مع شركة ايروستار وانا اشوفهم افضل من غيرهم
مادري بصرااااااااحه
آنا يوم أشتري شي أفضل التاجرات يطرشنلي الأغراض بالأرامكس أو الهوت لااااااااااين
الهوت لاااااااين من أروع مايكون بالنسبه لي ولا مره تأخروا في التوصيييييييل ,,, المندوووووب يوصلي وين ما أبا البيت والا الدوام والا أواعده في مكان حسب ظروفي وأحيان أتأخر عليه بعد وهو حليله يتريا ،،،
واجهت تأخير بس الصراحه كان من التاجرات وحده عقب اسبوع وأكثر تقولي اتصدقين نستيج ،،، والثانيه أتفق وياها تقولي بشوف متى المندوب بيمرني أقولها يوم بتعطيه خبريني وهي مول ماتعبر خلاص طرشت الأغراض والسلام … زين عطيني خبر يمكن ماكون حاسبه حسابي ،، يمكن ماكون في البلاد …
الأرامكس وايد أوكي في شغله موعد اتصالهم معقوول ،، اذا مارديت لأي ظرف يطرشون مسج ،، يوصلون بسرعه وبعنايه ،،، واحب اسير اييب الاغراض من مكتبهم عشان ما أيلس أشرح الا اذا كنت في الدوام
الأسوأ تماما الامبووووووست … يتصلووون الساعه 8 الصبح ويحرقووووووووون تلفوووووونك … واذا مارديت يتصلون يتشكوووون عن التاجره أونه فلانه ماترد ليش انزين آنا دافعه قيمة الطلبيه حتى التوصيل ،،، غير جيه اذا ماسرتلهم الصبح اييب الطلبيه لين المسا يضيعونها ويتمون يدورون عليها ساعتين
اخواني هالرابط تقدر اتشيك عن طريقة على كل الشحنات اللي تتعامل معاهم معظم شركات الشحن في الدولة
http://www.dubaitradersonline.com/Dubai-Tracking.asp
ويبت لكم بعد شركة تي انت تي للشحن ورفمهم المجاني هو
8004333
ويبت لكم بعد شركة اليو بي اس للشحن ورفمهم المجاني هو
8004774
واتمنى لكم التوفيق انشالله
لي يبغي شركة توصيل فبوظبي ب15درهم
بوظبي سلم واستلم فنفس اليوم
يفضل انك تعطيه الصبح وهو يوصلها العصر
بس بعد معرفه بالمندوب عادي تعطيه الصبح يوصلها الظهر مثلا
السعر الى من ابوظبي الى ابوظبي 15درهم
ابوظبي الى دبي15 درهم
الى الشارقة15
الى عجمان15
الى الامارات الاخرى تقريبا 20درهم
ولكن نصيحه يفضل انه اللي يرسل يدفع الفلوس لنه اذا كان المستلم هو لي يدفع بيزيد5ربيات
اعتقد مافيه اقل من ها السعر
انا افضلها من بوظبي الى بوظبي
وياما تعاملت وياها والمندوب من ادق له اييني وماشاء الله عليه
ولكن ماعندهم سلم واستلم
وعدكم شركة بروفيشنال بعد ماشاء الله عليهم شغلهم عدل
وطبعا سلم واستلم ب30درهم
وايلاقيك بعد كمن يوم ويعطيك فلوسك مع فاتورة وكل شي
والامبوست بعد شغلهم عدل وممتاز
تفضلوا ارقام شركة فيديكس جربوها و عطونا رايكم والله يوفقنا و يوفقكم
الرقم المجاني هو
8004050
رقم المكتب في دبي
o4 2995484
خدطة ال24 ساعة ارقامهم هي:
Tel: 04 2995678
Fax:04 2995375
Customer Service Hours Every day 24 hours
Customer Invoicing Services
For questions related to your invoices
Federal Express International Inc
P.O.Box 9239
Dubai, UAE
Email: dxb-cis@fedex.com
Tel: 2995678
Fax: 2995375
Technology Support Center
For technical questions or issues related to FedEx Customer Automation products.email: techsupport_emea@fedex.com
وهذا رقم شركة DHL
الرقم المجاني
800345
و المكتب في دبي
042995333