شركات الرسائل وأحلام الفقارى

السلام عليكم ورحمة الله وبركاته

أخواني الغاليين

حبيت أعرض عليكم اليوم موضوع هام جدا يقع فيه الكثير منا ويتسبب في خسائر مادية وضياع للوقت والجهد.

الكل منكم أكيد يعرف الشركات الخاصة أو بالأحرى (مواقع النصب) الموجودة على شبكة الإنترنت والتي تقوم بوضع الكثير من الإعلانات المغرية والتي غرضها جذب مستخدمي الإنترنت للتسجيل بها و حصولهم على عدد من رسائل البريد الإليكتروني (يوميا على حد قولهم) التي تحتوي على بعض الوصلات لشركات معينة أو لمواقع أخرى.

طبعا هذي الشركات تغري مستخدم الإنترنت المسجل لديها وذلك عن طريق الضغط على الوصلات الموجودة بالإيميل وذلك للحصول على مبلغ من المال. وياليت المبلغ كبير كلها 0.005 دولار. يعني لازم تضغط على 200 وصلة لتحصل على دولار واحد. والي يقهر في الموضوع أن بعض هذي الشركات تغريك بمبلغ 100000 دولار بس مقابل الضغط على الوصلة الموجودة بالإيميل.

بالعقل يا شباب والله بالعقل يعني الحين مقابل هذي الإيميلات بتحصل 100 ألف دولار ؟؟؟؟؟

الي أبغي أنبه عليه التالي:

أولا: هذي المواقع سرعان ما تزول بعد ما تحصل أرباحها من الشركات المعلنة والعضو عليه العوض ضيع وقته وافلوسه للا شيء.

ثانيا: هذي الشركات تعد بتقديم مبالغ مالية وفي النهاية ولا شي.

ثالثا: هذي الشركات تقول للشخص أنها ترسل مئات الرسائل يوميا إلى بريده الإليكتروني وعندما يقوم بالتسجيل ترسل له رسالتين أو ثلاث إن كثر .

وللأسف هناك العديد من المواقع العربية التي تشرح لك عن هذي الشركات وتدعم تواجدها وتوهم الناس بأن هذي الشركات تدر الكثير من الأرباح.

لذلك نصيحتي للجميع بالإبتعاد عن هذي الشركات وتحكيم العقل في كل شي وليس الركض وراء الأوهام.

تحياتي