السلام عليكم ..
الي يعرف أو عنده مواقع sites لشركات أو محلات ديكور و تصاميم داخليه ..لا يبخل علينا .. بغيت آخذ فكره و ألقي نظره على التصاميم … لأنه ناوين انغير في ديكور البيت و تصميمه …
بقولكم شغله . . لقينا شركه ديكور.. و اتقفنا وياه على أساس انه هو بيتكفل بديكور البيت من أثاث و جبس .. و يا البيت و شافه .. و عقب ما حسب حساباته قال بيا 4 ملايين بس ..
هو لو قال 4 ملايين و 100 ألف جان زغدته .. لاكن الله رحمه قال بس 4 ملايين
الديكور اغلى من البيت . . !!!!!
انا اعرف وحدة مواطنة من بوظبي اتسوي ديكور للبيوت وماشاء الله عليها شاطرة ولو حاب خبرني بطرش لك الرقم
:: يا جماعة الخير أنا داش محل اّثاث في دبي فيستيفال … حصلت شبريه عندهم و عيبتني يوم سألتهم عن السعر قالت لي الموظفة هذي سعرها 55 ألف درهم بس الشبرية بدون الملحقات و الكبت و الإمور الثانية يوم سالتهاً بستهزاء ليش وايد رخيص ؟ قالت لي هذي ماركة جورج إرماني إذا ما خاب ضني , بصراحة فوضة ::
:: محل إيكيا في دبي يقدمون إستشارة مجانية إحيدهم للإشخاص إلي يبغون يأثثون بيوتهم بس طبعاً الاّثاث يكون من عندهم ::
مشكورين اخواني . .
سيتم التواصل معكم ان شاء الله . . و موقع الفيلا في دبي . .
لا تعتمد بشكل كامل على الشركه … لانه الكل بيعطيك اسعار مبالغ فيها إذا كان كل شي عليهم
موفق إن شاء الله
من فتره واحد اعرفه مودي مخطط فيلا لوحده مصممه على ما اعتقد امريكيه مكتبهاا في جميرا
قالتله 250 الف تصميم و مليون ( جبس + ابواب + كم دريس روم )
يفتكرون ان كل واحد عند بير بترول في البيت
لا يسولك اكشن في الاسعار
الجبس لفلا متوسطه من طابقين يكلف تقريبا بين 25 و 35 الف فقط
و عن تصميم الديكور الداخلي سولك سيرج على قوقل و بتشوف افكار بالهبل بتستفيد منها
و عن الاصباغ لا يغرونك في الرخامي و المعنقش موديله منتهي من زمان شوفلك الوان فاتحه جدااا و مناسبه و تكون فولوماستك