ما عندي اعصاب انمق مقدمة للموضوع فبدش فيه على طول
انا اشتغل في شركة شبه حكومية في دبي ومعظمكم تعرفون وين
ابا اسافر مرافق مرض مع الوالد على حساب هيئة الصحة
واليوم اسأل شؤون الموظفين عندنا عن الاجراءات…ويصدموني انه نحن ما عندنا نظام اجازة مرافق مريض!!!
واذا انا ما عندي حد يسافر مع الوالد يعني شو ما نسفره ما نعالجه على شان شركتنا الوقورة ما فيها هالنظام!!
وليش ما خبرونا و ما ذكروا هالشي في عقد التوظيف يوم وقعته وقت ما توظفت؟!!!!
يا جماعه اكلم منو في الموضوع..ما يستوي جيه ؟؟؟ وييين حقوقنا كمواطنين في بلادنا!!! والشركة شبه حكوميه مب انها خاصة عشان نقول ما عليه!!!
منقهره….ومب عارفه اكلم منو..
اذا فالشركة الي فبالي فيه اجازه اسمها emergency leave
واذا ماشي مجال مالج الا unpaid leave
هالتيار اللي ضد المواطنين و حقوق بسيطه يحق لنا ما نروم نصده ..شي مؤسف..
صعب جدا يتم تغير القوانيين ولوائح الهيئة فلذلك عليكي ان تمشي مع التيار
موفق بإذن الله … لك مني أجمل تحية .
واذا ما عندي ايام في السنوية ؟!!!!
ها مب منطق..كل الدوائر الحكوميه وحتى معظم الخاصه عندهم هالنظام اشمعنى نحن ونحن شبه حكومية!!!
يا ليت حد يقدر يوصل الموضوع للشيخ خالد بن زايد بن صقر ال نهيان لانه هو رئيس مجلس ادارتنا
طويل العمر ما يستوي هالتعسف عالمواطنين…يعني ابوي يموت عشان ما عندنا هالنظام!!!…
simply …take annual leave