ما عندي اعصاب انمق مقدمة للموضوع فبدش فيه على طول
انا اشتغل في شركة شبه حكومية في دبي ومعظمكم تعرفون وين
ابا اسافر مرافق مرض مع الوالد على حساب هيئة الصحة
واليوم اسأل شؤون الموظفين عندنا عن الاجراءات…ويصدموني انه نحن ما عندنا نظام اجازة مرافق مريض!!!
واذا انا ما عندي حد يسافر مع الوالد يعني شو ما نسفره ما نعالجه على شان شركتنا الوقورة ما فيها هالنظام!!
وليش ما خبرونا و ما ذكروا هالشي في عقد التوظيف يوم وقعته وقت ما توظفت؟!!!!
يا جماعه اكلم منو في الموضوع..ما يستوي جيه ؟؟؟ وييين حقوقنا كمواطنين في بلادنا!!! والشركة شبه حكوميه مب انها خاصة عشان نقول ما عليه!!!
منقهره….ومب عارفه اكلم منو..
بل .!
وصلتيها لـ إن ابوج بيموت عشان هالنظام
اختي الله يهديج الموت بإيد الله مب عشان هالنظام إذا موجود في هالشركه والا لا
ما بتلاقين الحل في المنتدى
حاولي تقابلين حد من المسؤولين الكبار و يمكن يحل موضوعج
__________________
الله يشافي الوالد ان شاء الله,,,,,
الحل,,, اختي,,,,,
اتصلي على البث المباشر,,, واتكلمي عن الموضوع,,,
وخليهم يكلمون حد من المسؤلين الكبار في الشركة,,
وان شاء الله بيلقون الحل,,,
الله يوفقج ان شاء الله
عقدتيها يعني لاتقدرين ع اجازه بدون راتب ولا تقدرين ع الاستقاله ولا تقدرين تخلين حد من اخوانج يسافر من الوالد ولاتقدرين….الخ وتبين الشركه تغير نظامها كله بيوم وليله عشانج ياختي وغير جذا حاليا الشركه اللي فيها كافنها مشاكلها مب خالصه منها وحقوق المساهمين ماكلتنها يعني بتشوف مشكلتها والا بتشووووف مشاكل موظفيها!!!!
الله يشافي الوالد والله يعينكم
اخوي محال…اجازة بدون راتب اقدر اخذها لمدة شهر بس…وصعب اخذها..علي التزامات…
لو شهر يمكن البنك بيعطيني تاجيل قسط …لكن لو العلاج طول اكثر من شهر؟!!!
…
الحين الموضوع بعد مب بس مشكلتي انا…لاني كلمت مديرة شؤون الموظفين و حليلها ما قصرت..وضدمتني انه هالنظام مب موجود حتى في قوانين وزارة العمل!!!!!
يعني حتى لو كلمت وزارة العمل اتخبرهم ماشي فايدة لانهم من الاساس ما عندهم هالنظام في قوانينهم!!!!!
المواطن لازم تكون له بعض الاستثناءات والامتيازات..هاي بلادنا وقوانينا ونحن نخدمها…لازم في قوانين في وزارة العمل تخدم صالح المواطن
لو الواحد ما عنده حد يسافر مع اهله للعلاج…شو يعني يخلي اهله يموتون على شان قوانين بلاده ما تخدمه ؟؟؟
مب منطق والله مب منطق