مرحبا أخواني الكرام طبعا أكيد حد سمع عن هذه الشركة أقصد شركة كسب العقارية ولها أكثر من فرع أبوظبي – عجمان كانوا يروجوا عن أكثر من برج مثل برج السلام وبرج الهلال في مدينه حميد بإمارة عجمان بس من بداية الأزمة المالية الجماعة لغاية اليوم ما بنوا ولا برج وفلوس الناس راحت عليهم .

حد عنده فكره أو جرب يسترجع فلوسه من هذه الشركة ياليت يفيدنا ليعم الخير للجميع

9 thoughts on “شركة كسب العقارية ؟؟؟؟”

  1. السلام عليكم

    أنا مستغرب من المواطنين الذين يشترون من المستثمرين , أخي الارض مش ملكك و البناء تجاري و عمولات الخدمات السنوية عالية و كذلك الخدمات.

    أحرى بالمواطن ان يشتري الارض و يسجل الارض باسمة و يبني حسب احتياجه و بيطلع عليه نفس قيمة الشراء من المستثمر

    لكن لو كان الامر تجارة فالتجارة ربح و خسارة

  2. السلام عليكم ورحمة الله
    بعد الأزمة الاقتصادية، معظم المشاريع اللي قالوا بيسوونها ف عجمان مثل ( مدينة حميد، الزوراء، مدينة الامارات 000الخ) توقفت وبعضها ألغي وبعض المطورين شرد خارج الدولة وفلوس الناس شلهن وياه، لا حول ولا قوة إلا بالله
    وكثير من مكاتب العقارات أغلقت وتم تسريح الموظفين منها
    بالنسبة لمجموعة كسب العقارية، حالها حال باقي الشركات، بعض الموظفين عندهم انهوا خدماتهم وبعض فروعهم أغلقت مثل فرع العين، وتبقى الفرع الرئيسي (عجمان) وفرع أبوظبي تقريبا شبه فارغ وأعتقد الشركة استلمتها ادارة ثانية نفس ما قالي واحد منهم، وإن الأخ/ حاتم البلوشي المسئول أو المالك للشركة لم يعد مسئولا وكذلك أيضا الاخ/ حاضر خلف المهيري

    هذي هي نهاية المشاريع العشوائية والغير مدروسة، فقط عرض مجسمات جميلة وأبراج شاهقة مرسومه في الخرايط وكله (خريط) وحفل افتتاح في أفخم الفنادق. ما فكروا في العقبات المحتملة (توازن الطلب والعرض، محطات الكهرباء, وغيرها من البنية الأساسية والأهم من هذا كله (ضمان حقوق المشترين) وين يسيرون؟؟ التنظيم العقاري يتهربون من مسئولياتهم والمطورين اللي بعدهم ما شردوا يقولون والله التنظيم العقاري طلع لنا شروط جديده غير موجوده في السابق.. وبعدين… منو الضحية بين الهوامير الشرسة؟؟؟ طبعاً المشتري المسكين اللي تايه بينهم… الله المستعان.. وإن شاءالله, الله بيرجع لكل متضرر حقه عاجلاً أم آجلاً

    عليكم بالمطالبة بحقوقكم في المحاكم, والدولة فيها قانون, صحيح روحة المحاكم والبحث عن استشارة قانونية شغلانه وفيها دفع فلوس وغيره لكن في النهاية بإذن الله تاخذون حقكم..

    والسموحة يا اخواني على الإطالة

  4. شركة كسب العقارية ممكن تروحون عند واحد بلوشي هذا شريك فيها وتسألونه عن الحل وعن الفترة المنتظرة

    بحاول أوفر رقم تلفونه الخاص وومكن تتواصل معاه أو تطلبه من الشركة نفسها

    والله بيعضوكم ان شاء الله

Comments are closed.