السلام عليكم
اشحالكم يالربع عساكم بخــير
بغيت اتخبركم عن اقتراح اذا بالامكان تنفيذه
طبعا تعرفون انه شركة الدار العقارية شركة قوية ومستقرة اقتصاديا
ومن مشاريعها الاخيرة الاستثمارية ابوظبي بلازا في كازخستان اللي تكلفته تقريبا مليار دولار
اقتراحي هو انه الشركة تتولى بناء البيوت للمواطنين بالاعتماد على قروض مصرف الهلال التابع للدار
وطبعاً بنفتك من تلاعب المقاولين باسعار البناء بسبب التعامل مع شركة ذات خبرة ولها مستشارين + وبنفتك من القروض الربوية وفوايدها + تصاميم حلوة للبيوت , والمصرف والدار بيحصل سيولة كبيرة وعقد بناء كبير بدل ما كل واحد ياخذ القرض ويروح يدور له مقاول وتصميم خاص فيه .. وانا اخترت مصرف الهلال بالذات لانه له شراكة مع الدار وحتى نضمن انسيابية المشروع
الصراحة ما اعرف هل هالشي ممكن او لا وبانتظار ارائكم
رايي خطأ يحتمل الصواب
لا لست مع الفكرة ابدا
لان الشركات الكبيرة تاكل اكثر من الشركات الصغيرة
واذا الموضوع نماذج جاهزة وانا اختار البيت احسلهم يعطوني بيت شعبي لا قرض ولا هم يحزنون على الاقل البيت الشعبي بدون قرض واسكن مرتاح بلا قرض عشرين سنه.
في منطقة قريبة من مبزرة بالعين
شركة الدار قدمت 7 نماذج (انا شفت النماذج الصراحة حلوه ومساحات الفلل تصل 700 متر مربع) للفل وفقط المواطنين يختاروا عن طريق البدية النموذج اللي يريدوه
وطبعا القرض تتصرف فية الدار والقرض ليس قرض بنكي وانما من هيئة القروض
لكن ليش لم يطبق هالشي في ابوظبي ما اعرف
ما اعتقد انه مثل هالشركات بتسوي تصاميم مناسبة للبيوت
وفي تجارب وايد حصلت وفللهم تعبانه
وبالعكس هم بيستغلون مبلغك اكثر من المقاولين
تبني بروحك من قرضك احسن
لكن وين القروض او الاراضي من فتره ما انصرف شي
نتمنى نسمع أخبار حلوه عن قريب
)
ما يقصرون شيوخنا
وهذي مشاريع اخرى من شركة صروح ،، بتركك مع الموضوع :
والله شي طيب
وخاصه الي يتعامل ويا شركه مقاولات عسب يبني بيته
بيقصبه قصاب بيلطم الفلوس من صوب والصوب الثاني السامان الي اييبها تقليد + تشكل خطر ع البيت او الفلا بكبرها +
التصميم كله غلط في غلط حتى الارضيه يبالها مقاول متمرس او مهندس خبير في هالشغله.
ولاتنسى بعد مراكض كل يوم طايح اتشوف شو سوى وشو ماسوى فالبناء
وغير هذا رفع الضغط وانواع الامراض.
===================
نتمنى من هالشركات الكبيره يمسكون البناء ويبنون للمواطنين بحكم خبرتهم + كل شي يديد يحطونه + انجازهم للبنا بفتره قصيره