مساكم الله بالخير اخواني اخواتي الكرام
الحمدالله شريت سيارة من دبي ومريت على مرور البرشا وخلصة فيه ورقة التصدير السيارة وهي ورقة واحد فقط لا غير….وركبوا لي لوح زرقاء…
لكن استفساري هو هل هناك اي اوراق اخرى مطلوبة بالاضافة الى هذه الورقة “شهادة تصدير”؟
او خلاص اتوكل على الله بكره للحدود…؟
مبروك عليك السياره
اولا مبــارك عليــك السيــارة
بحكم قانون منع الأزدواج الضريبي بين دول مجلس التعاون .. تعفى السيارة من الجمرك عند دخولها لدولة خليجية اخرى اذا كانت قد تم دفع الجمارك عليها في الدولة السابقة ..
بشررررررط استخراج ورقة دفع الجمارك السابقة واحضارها الى الحدود (( الورقة تسمى مقــاصة )) يمكن ان تأخذها من المعرض او الوكيل او من ميناء راشد اذا كانت السيارة وارد والورقة غير متوفرة ف المعرض .. ويتوجب عليك دفع 5% من قيمة السيارة للجمارك في حال عدم احضار ورقة المقـاصـة
صاير اتكلم عربي فصييييح
انا اعتقد انه ما في جمارك بين دول الخليج هذا الي اعرفه واذا كلامي غلط ارجو التصحيح.
اذا السياره وارد خذ ورقه من الجمارك فدبي عالمواصفات ومدة وصولها للدوله
عساس انها ما استخدمت فالدوله واذا كانت السياره توها واصله المعرض اظني الورقه بتفيدك فالحدود بينقصولك فالجمرك او يعفونك من الجمرك لانها اندفعت جمارك فالامارات وما استخدمت وكانك انت جايبها السياره واول من يستخدمها
اسأل اكثر وان شاءالله يفيدونك
السلام عليكم ..
حبيب قلبي ..
لو اللحين مشيت على الحدود بياخذون عليك مبلغ وقدره ( الجمارك )
لكن روح لك بكرة على معرض يخلص لك مقاصه بـ 200 درهم وريّح عمرك من مبلغ الجمارك ..
بالتوفيق