السلام عليكم
الاخوة الافاضل،،،
بعد صراع مرير مع جميع انواع البشر من جميع انحاء العالم، قدر لي وخذيت رقم عشان اقدر احجز شقق في مشاريع الدار بشاطئ الراحة (في مشروع الزينه والمنيرة) ، ويوم وصلت إلا واسمع من الموظفة انه الفيلل انباعت ، والشقق اللي على البحر انباعت ، والاربع غرف انباعت والثلاثة انباعت ، وما بقى إلا عدد قليل من الغرفة والصالة والغرفتين والصالة، طبعا غير مطلات على البحر، واخوكم ما كذب خبر ، دفعت وحجزت شقتين واحدة غرفة وصالة وسعرها مليونين وميه (يعني بسعر تون هاوس في اي مكان ثاني) والثانية غرفتين وصالة بسعر اثنين مليون وتسعمائة (مساحتها 141 م مربع) …..والله للحين ماني مصدق الاسعار صارت بهالشكل….
عموماً ، شو تنصحوني اسوي، طبعا اخوكم ما عنده المبلغ كامل ، بس مطلوب ندفع 10% خلال اسبوعين وبعدين 10% بعد 3 أشهر ، وبعدها أقدر ابيع…
رايكم اخليها معاي وادفع وعقب ابيع ولا اتخلص منها الحين وافك عمري من صدعة الراس..
واذا بعت كم تتوقعون استفيد فيها، في انتظار نصائحم الغالية….
رأي أخي الكريم أن تنتظر لمدة 12 شهر يعني بيع بعد سيتي سكيب السنه القادمة بإذن الله
وممكن تاخذ تمويل من شركة أصيل
لأن أصيل بتمول لحد 97% في مشاريع الدار بشاطئ الراحة
الأسعار طالعة ل 3500 بإذن الله في خلال عام
اليوم إعمار أطلقت برج برج بارك 3 بمبلغ 6000 درهم
والله أعلم الأسعار طالعة لحد فين
اخوي قوي قلبك وبيع بعد الدفعه الثانيه. أحسن شي سويته أنك خذت غرفه وغرفتين…. الاستوديو بيعته صعبه ومافيه ربحيه
جزاكم الله خير على النصائح
لازم الواحد يشتغل في شركات العقار , حتى يعرف اذا كان كلامهم صحيح يوم يقول لك كل شى انباع, برأي ان السوق غامض شوي, حاول تعرضهم برع الامارات.