سوقنا يمشي عكس عقارب الساعة لا من أسهم و لا من عقارات على قولت شامبيه كله عويا وين مايضربها اللهم اليكم المعادلة :

علمونا في المدارس أن يوم يزيد الطلب على العرض يرتفع السعر والعكس صحيح . ( مب صح ) أنزيييين عيل ليش البناء يوم ارتفع ما نزلت قيمة الاراضي الفضاء !!!

ويوم تقل تكلفة البناء … ما تقل القيمة الايجارية .. وليش قاعد يرتفع الايجار ؟

ويوم يكون فيه اعلان بمليارات الدولارات لمشاريع جديدة التي تقوم بها شركات التطوير العقاري … تلقى السهم ثاني يوم ينزل … والله يا جماعه كان يقولي صديق يشتغل في تعاملات الاسهم … نظريته اشتر عند الاشاعة وبيع عند الاعلان الرسمي !!! وصدقوني الريال الله يبارك عليه امورة طيبة مع الاسهم

هذي الامور ما تخبل بالواحد والا شو رايكم ؟؟؟

بو منصـــــور

12 thoughts on “شر البلية ما يضحك”

  1. الله المستعان…

    بصراحة صارت الامور تتعقد أكثر بسبب التضخم اللي صاير و المنافسة الشديدة في البزنس .

    يالله يا رب تفرج هم المهمومين وتنفس على المكروبين … آمييين يا ارحم الراحمين

  2. لاحووووول

    من ناحية الاسهم

    خليها على ربك

    امس زين اني لحقت على عمري و خسرت 50.000 الف درهم في يوم واحد

    الله يستر

    بس بقول

    الي متى

  3. بخبركم بقصة طريفة

    يقولك واحد مر على هالمشاريع الحلوة المنتشرة في ابوظبي ودبي وحتى راس الخيمة .. المهم .. احسن شيء شافه في هالمجمعات السكنية .. تنسيق الحدائق والهدوء والسكيوريتي اللي على مدخل المجمع .. صاحبنا خطرت في باله فكرة .. عزم ثاني يوم يروح البلدية .. ويقترح لهم اقتراح .. قال اللي في البلدية اكثرهم مواطنين وبيرحبون في الفكرة خاصة انها تخدم المجتمع .. وتحسن من مظهر المدينة .. يقولك يوم دش البلدية سأل منوه المسؤول عن الاقتراحات والافكار .. قالوا خير شو الموضوع .. قالهم ابا يسوون في فريجنا نفس ما يسوون في المجمعات السكنية الحديثة .. قالوا له شو يسوون .. قال عندهم سيكيوريتي للي يدخل الحي .. وخوش حدائق من كل انواع الزهور .. لا بعد هدوء مرة .. ما تشوف هالمهنده اللي تارسين الشوارع وهالبيكبات والتكاسي اللي يوقفن جدام البيت .. المهم الجماعة ضحكوا قالوا هذا ياخوي ما يستوي .. قال كيف ما يستوي وفي هالمجمعات السكنية موجود ويستوي .. ما عرفوا شو يردون عليه .. قالوا راجع المكتب الفلاني .. ويوم يخبرهم بالسالفه يضحكون ويقولون هذا مب عندنا شوف القسم الثاني .. وكل مرة يطرشونه صوب واحد

    صاحبنا رجع البيت ويضحك على عمره .. قال وين تبا فريجنا يطور .. يوم عبود وحمود يشتغلون في البلدية ههههههههههه

    والله يالبلدية يبقيلها مشخله

  4. بخبركم بقصة طريفة

    يقولك واحد مر على هالمشاريع الحلوة المنتشرة في ابوظبي ودبي وحتى راس الخيمة .. المهم .. احسن شيء شافه في هالمجمعات السكنية .. تنسيق الحدائق والهدوء والسكيوريتي اللي على مدخل المجمع .. صاحبنا خطرت في باله فكرة .. عزم ثاني يوم يروح البلدية .. ويقترح لهم اقتراح .. قال اللي في البلدية اكثرهم مواطنين وبيرحبون في الفكرة خاصة انها تخدم المجتمع .. وتحسن من مظهر المدينة .. يقولك يوم دش البلدية سأل منوه المسؤول عن الاقتراحات والافكار .. قالوا خير شو الموضوع .. قالهم ابا يسوون في فريجنا نفس ما يسوون في المجمعات السكنية الحديثة .. قالوا له شو يسوون .. قال عندهم سيكيوريتي للي يدخل الحي .. وخوش حدائق من كل انواع الزهور .. لا بعد هدوء مرة .. ما تشوف هالمهنده اللي تارسين الشوارع وهالبيكبات والتكاسي اللي يوقفن جدام البيت .. المهم الجماعة ضحكوا قالوا هذا ياخوي ما يستوي .. قال كيف ما يستوي وفي هالمجمعات السكنية موجود ويستوي .. ما عرفوا شو يردون عليه .. قالوا راجع المكتب الفلاني .. ويوم يخبرهم بالسالفه يضحكون ويقولون هذا مب عندنا شوف القسم الثاني .. وكل مرة يطرشونه صوب واحد

    صاحبنا رجع البيت ويضحك على عمره .. قال وين تبا فريجنا يطور .. يوم عبود وحمود يشتغلون في البلدية ههههههههههه

Comments are closed.