سلام عليكم إخواني وخواتي الأعضاء
والله العظيم مانزلت لكم الموضوع إلا لأني أحب المنتدى وأبغي أشوفه شرات قبل …
منتدى راقي بمواضيعه وردوده ومشاركاته ومنتدى راقي بأعضاءه وزواره
منتدى راقي بإدارته والمشرفين
ناس كلها طيبة وفيهم كل كل كل خير
مواضيع مفيدة ،،، نقاشات مفيدة ،،، معظم المعلومات اللي نكتسبها في حياتنا هي من المنتدى
من المواضيع المنتقاة عن طريق أنامل الأعضاء
لكن مؤخراا
مواضيع غريبة وشاذة عن منتدانا
شرات واحد منزل موضوع فيه رقم ساحر ،، ويقولون شيخ جليل يربط الحبيب ويصلح الخلافات ويجذب العشيق وكذا وكذا
ويعطي حجاب و(طب)
وكاتبيين شيخ جليل ،،،،،
أنا ما ألوم العضو ،، أنا زعلان لأنه نقل الموضوع بدون مايشوف سلبياته …
وبارك الله في المشرفين والادارة لأنهم حذفوا هالموضوع …
وفيه وفيه وفيه …
والله مايهون علي أشوف المنتدى بهذا الحال …
أنتم شايفيين كل شي ومايحتاي أكمل كلامي ..
أنا واثق أن الإدارة والمشرفيين متابعيين هالأشياء الغريبة اللي تحصل
لكنهم صابريين على (بعض الأعضاء الجدد)
لأن (بعض الأعضاء الجدد) يمكن يعدلوا حالهم خلال أخطاءهم الأولى شرات المواضيع الغريبة الأولى اللي يحطونها ….
الله يحمي منتدانا ويحفظ أعضاءه
والله يعطي الصحة والعافية للإدارة وللمشرفين
مادري شو أقول أكثر …
أخوكم
القلم الحر
يا شباب ترى زوتوها شوي هاد المنتدى للجميع ويوجد ناس تقرا كل شي وحاطين عنوان للموضوع انت وانت كيفك بعدين والله ترى ايام مالين نحب نشوف مواضيع ماسخة تسلية فقط
والله المستعان
عيل واحد البارحه يالس يسب الشيوخ بقصه رمزيه. لو تلاحظ، بتلقى إنه له مشاركه وحده فقط، يعني داش عشان يسب بس.
الحمد لله إن المشرف لغى الموضوع في وقت قياسي و حظر العضو نهائيا.
بصراحه، يتني أكثر من رسالة خاصه تتكلم عن هذا الموضوع و اللي هو إن المنتدى تغيّر.
يا خوي
الأزمة المالية ( السرقة العالمية )
أثرت على الكل طال عمرك
إلا ما رحم ربي
انا بعد لاحظت وايد قامو ايمصخونها بعض الاعضاء ..حتى بعض المواضيع احسبها سخيفه …انا قبل من النش من النوم فتحت المنتدى عشان اشوف شو اخر الاخبار المستويه في العالم وفي الدوله وشو الاشياء اليديده الي بتصير في البلاد لانه ما احب اشوف الاخبار ولا اقرا جرايد … بس الحين من افتح القسم نادر ما اشوف موضوع يفيدني …هذا راي بس ما اعرف شو بالنسبه لكم
أنا بصراحة ياقلمنا الحر أتمنى وأتمنى وأتمنى منع المواضيع المنقولة من هنا وهناك إلا من مواقع رسمية أخبارية أو حكومية
يعني إلي مايقدر يكتب يكتفي بالرد ويكتفي بالمتابعة نريد تميز في الطرح والاسلوب والعطاء الكتابي ،
مع خالص الود